50:78  laudi  ducit,  quod  quum,  abhorreret  a  seditionibus,  eas  tamen  fortiter  exceperit.  Neque  enim  simpliciter  laus  est,  non  moveri  seditionibus,  (quum  hoc  vulgare  habeant  omnes  tumultuarii),  sed  non  consternari,  quum  aliena  culpa  sunt  excitatae.  Et  sane  utrumque  requiritur  in  evangelii  ministris,  ut  paci  quidem  studeant  pro  virili:  sed  tamen  per  medios  motus  pergant  infracti:  neque  deflectant  a  recto  cursu,  etiamsi  coelum  terrae  misceatur.  Quamquam  Chrysostomus  per  dbcaxaaxaacac  crebras  expulsiones  mavult  intelligere:  quia  nusquam  dabatur  quiescendi  locus.  In  ieiuniis.  Non  intelligit  esuriem  ex  inopia,  sed  voluntarium  exercitium  abstinentiae.  Scientia  dupliciter  potest  accipi,  vel  pro  doctrina  ipsa,  vel  pro  recte  et  scienter  agendi  peritia.  Secundum  hoc  mihi  est  probabilius:  quod  statim  adiicit  sermonem  v  e  r  i  t  a  t  i  s  .  S  p  i  r  i  t  u  s  metonymice  pro  spiritualibus  gratiis.  Frivolum  tamen  est  Chrysostomi  cavillum,  qui  inde  colligit  alias  virtutes  fuisse  apostolo  proprias,  quod  spiritum  seorsum  nominet.  Quasi  vero  mansuetudo,  scientia,  sinceritas,  arma  iustitiae,  aliunde  sint  quam  a  spiritu  sancto.  Seorsum  vero  ponit  tanquam  genus  inter  species.  Potentia  Dei  in  multis  se  exserebat,  in  magnanimitate,  in  efficacia  asserendae  veritatis,  in  propagatione  evangelii,  in  hostium  deiectione  et  similibus.  7.  Per  arma  iustitiae.  Iustitiam  accipe  pro  conscientiae  rectitudine  et  vitae  sanctimonia.  Metaphoram  armorum  usurpat,  quia  militare  oportet  omnes  qui  Deo  serviunt:  quum  praesto  sit  semper  hostis  diabolus  ad  eos  infestandos.  Armatos  autem  omni  ex  parte  esse  convenit:  quia,  si  nihil  profecerit  uno  insultu,  novum  subinde  instruit:  et  nunc  a  fronte  nunc  a  tergo,  nunc  hac,  nunc  illac  eos  adoritur.  8.  Per  gloriam  et  ignominiam.  Hoc  non  leve  experimentum  homini  examinando.  Nihil  enim  durius  est  homini  ingenuo  quam  ferre  contumeliam.  Itaque  in  omnibus  historiis  videre  licet  ex  hominibus  heroicis  paucos  exstitisse,  qui  non  degeneraverint  irritati  contumeliis.  Proinde  signum  est  animi  in  virtute  bene  obfirmati,  non  dimoveri  a  proposito  ulla  infamia.  Rara  virtus,  sed  sine  qua  Dei  servum  te  probare  nequeas.  Habenda  quidem  bonae  famae  cura,  sed  quatenus  fratrum  aedificationis  interest:  atque  ita  ut  ne  a  rumoribus  pendeamus,  quin  potius  eadem  in  ignominia  quae  in  gloria  nobis  aequabilitas  maneat.  Nam  et  improborum  hominum  maledicentia  patitur  Deus  nos  tentari,  facturus  periculum  numquid  recte  agamus  gratuito.  Nam  quem  ab  officio  abducit  hominum  ingratitudo,  is  se  non  in  solum  Deum  respexisse  prodit.  Quum  itaque  Paulum  cernamus  expositum  fuisse  infamiae  et  probris,  neque  tamen  propterea  destitisse,  sed  indefesso  animo  perrexisse,  atque  adeo  perrupisse  ad  metam:  ne  fatigemur  si  idem  nobis  eveniat.