35:78  et  faut  que  nous  allions  nous  cacher  comme  des  vilains  qui  se  sont  voulu  eslever  par  trop  et  sans  raison.  Voila  donc  ce  qu'Eliu  a  entendu.  Ce  n'est  pas  pourtant  que  Dieu  couvre  l'orgueil  des  hommes:  mais  il  monstre  qu'il  l'abbat  et  le  met  sous  le  pie  voire  en  telle  sorte  que  les  hommes  sont  confus  au  lieu  qu'ils  estoyent  par  trop  hardis,  pensans  faire'  merveilles.  Ainsi  donc  maintenant  notons,  que  si  Dieu  parle  a  nous,  il  nous  fait  une  grace  singuliere  veu  que  nous  serions  comme  povres  bestes  brutes,  si  nous  n'estions  enseignez  par  luy.  Et  puis  quand  il  nous  envoye  des  remords,  qui  nous  picquent  au  vif,  et  que  si  cela  ne  profite,  nous  sommes  puis  apres  affligez  de  sa  main  :  cognoissons  que  c'est  que  nous  sommes  par  trop  durs  et  obstinez,  et  qu'il  faut  que  nous  soyons  dontez  comme  bestes  sauvages.  Cependant  toutes  fois  sachons,  que  tout  cela  sont  les  seaux  de  Dieu,  par  lesquelles  il  seelle  et  ratifie  les  admonitions  qu'il  nous  avoit  faites  par  sa  parole.  Et  pourtant,  que  nous  les  magnifions,  que  nous  les  recevions  patiemment:  veu  que  par  ce  moyen  il  procure  nostre  profit  et  salut.  Et  ainsi  que  nous  ne  demandions  en  toute  nostre  vie,  sinon  de  nous  monstrer  vrais  enfans  envers  luy,  et  nous  adonner  du  tout  a  son  obeissance  et  service.  Or  nous-nous  prosternerons  devant  la  face  de  nostre  bon  Dieu,  etc.  LE  CENT  VINGTCINQUIEME  SERMON,  QUI  EST  LE  IV.  SUR  LE  XXXIII.  CHAPITRE.  Ce  sermon  est  encores  sur  les  versets  16  et  17  et  puis  sur  le  texte  ici  adiouste.  18.  Il  retire  son  ame  du  sepulchre,  et  sa  vie  afin  quelle  ne  viene  point  au  glaive.  19.  Il  chastie  Vhomme  par  tormens  sur  son  lict,  et  brise  ses  os  avec  chastimens:  20.  Tellement  que  son  ame  reiette  le  pain,  et  sa  vie  la  viande  desirable.  21.  Sa  chair  est  consumee  quJon  ne  la  voit  plus:  et  ses  os  aussi  qu7on  ne  voit  point,  esclissent.  22.  Son  ame  approche  du  sepulchre,  et  sa  vie  de  ceux  qui  suivent  a  la  mort.  23.  SHl  y  a  messagier  eloquent  {un  d'entre  mille)  qui  declare  a  Vhomme  sa  droiture:  24.  Que  Dieu  ait  pitie  de  luy,  et  dise,  Delivre-le,  afin  qu'il  ne  descende  en  la  fosse:  i'ay  trouve  reconciliation:  25.  Sa  chair  deviendra  fresche  plus  que  celle  de  V  enfant:  et  retournera  aux  iours  de  sa  ieunesse.  Nous  vismes  hier  comme  il  faut  que  Dieu  nous  retire  par  force  de  nos  folles  entreprinses,  d'autant  que  de  nature  nous  sommes  si  outrecuidez,  qu'il  n'y  a  rien  que  nous  ne  vueillions  faire.  Si  Dieu  seulement  nous  admonnestoit  d'estre  modestes,  et  de  ne  point  nous  ingerer  par  trop,  cela  ne  seroit  point  assez:  car  il  y  a  une  audace  enragee  aux  hommes,  laquelle  ne  peut  estre  retenue  en  obeissance,  sinon  avec  grande  violence,  comme  si  on  enchainoit  une  beste  sauvage.  Il  faut  donc  que  Dieu  en  use  ainsi  comme  il  nous  est  monstre  en  ce  texte,  que  iamais  l'homme  ne  sera  destourne  de  ses  entreprinses,  sinon  que  Dieu  le  donte  a  grans  coups.  Et  qui  est  cause  de  cela?  L'orgueil,  comme