27:78  ne  sommes  point  assez  disposez  pour  servir  a  Dieu  :  mais  que  nous  sommes  retenus  et  empeschez  par  les  vanitez  de  ce  monde,  par  nos  cupiditez  charnelles:  quand  nous  sommes  enveloppez  en  nos  delices,  que  nous  revenions  la:  Comment?  Est-ce  ainsi  que  Dieu  aura  perdu  sa  peine,  quand  il  s'est  monstre  si  bon  envers  nous,  qu'il  faille  que  nous  luy  soyons  un  peuple  inutile?  Nous  sommes  sa  vigne,  il  nous  a  culti  ve,  et  nous  en  luy  avons  apporte  nul  fruict,  sinon  des  fruicts  sauvages  et  amers,  qui  estoyent  pour  Festrangler:  et  faut-il  que  nous  aneantissions  par  nostre  malice  la  grace  que  Dieu  a  declaire  envers  nous?  Voila  donc  comme  chacun  se  doit  redarguer,  quand  nous  ne  cheminons  pas  comme  il  appartient.  Mais  quand  au  lieu  de  nous  avancer,  nous  reculons,  ou  nous  croupissons  la  en  nostre  paresse  :  qu'il  nous  souvienne  des  benefices  de  Dieu,  et  que  nous  en  facions  un  recueil  et  un  memorial:  et  que  puis  apres  nous  venions  a  conclurre,  qu'il  n'y  a  nulle  excuse,  sinon  que  nous  facions  quelque  recognoissance  a  nostre  bon  Dieu  de  la  misericorde  qu'il  nous  a  monstree.  Voila  a  quoy  Moyse  a  pretendu.  Aimez  donc  (dit-il)  le  Seigneur  vostre  Dieu,  puis  que  vous  le  cognoissez  tel.  Et  cependant*  outre  ce  que  nous  avons  veu  pau  ci  devant,  c'est  assavoir  que  la  vraye  observation  de  la  Loy  commence  par  l'amour  de  Dieu,  ici  Moyse  nous  declaire  que  Dieu  ne  veut  point  estre  redoute  comme  un  Prince  qui  voudra  seulement  travailler  ses  subiets  :  car  il  suffira  qu'on  n'ose  gronder  contre  luy,  mais  qu'on  face  tout  ce  qu'il  aura  ordonne.  Dieu  vient  d'une  facon  bien  plus  amiable.  Il  est  vray  que  si  nous  regardons  qui  sont  les  princes  terriens,  ce  n'est  que  fumee,  ce  sont  povres  vers  de  terre  :  il  est  vray  qu'ils  sont  honorables,  entant  que  Dieu  y  a  imprime  sa  marque,  mais  d'eux-mesmes  ils  ne  sont  rien.  Il  y  a  toutesfois  cest  orgueil,  que  s'ils  veulent  mettre  le  pied  sur  la  gorge  de  leurs  subiets,  il  faut  que  les  povres  gens  l'endurent:  tant  s'en  faut  qu'ils  pensent  estre  pasteurs,  ni  avoir  aucun  devoir,  ni  office  envers  peuple,  qu'il  leur  semble  que  le  monde  est  cree  pour  eux:  il  n'est  point  question  d'avoir  une  reverence  douce  et  paisible,  mais  ils  voudront  avoir  une  servitude  contrainte  et  forcee.  Or  voici  nostre  Dieu,  duquel  la  maieste  est  si  haute,  qu'il  faut  que  les  Anges  mesmes  de  paradis  soyent  comme  abysmez  sous  icelle:  le  voila  (di-ie)  qui  descend  a  nous,  et  dit:  Que  vous  m'aimiez.  Il  pouvoit  dire:  Redoufcez-moy,  tremblez  a  ma  parolle:  car  autrement  vous  sentirez  qu'il  y  a  une  gloire  si  haute  en  moy,  qu'il  faudra  que  vous  en  soyez  foudroyez.  O  il  n'use  pas  d'un  tel  langage:  mais  il  dit:  II  est  vray  que  ie  suis  redoutable:  car  i'ay  l'empire  souverain  du  ciel  et  de  la  terre,  et  ne  faut  point  qu'on  se  vienne  iouer  avec  moy  comme  avec  son  pareil:  car  si  on