26:78  mes  la  forme  de  prier.  Et  voila  pourquoy  nostre  Seigneur  Iesus  Christ  nous  a  comprins  en  un  sommaire  toutes  les  requestes  que  nous  devons  faire  a  Dieu.  Car  combien  que  nous  ne  soyons  point  astraints  a  ces  mots-la,  de  dire,  que  le  Nom  de  Dieu  soit  sanctifie,  que  son  regne  avienne,  que  sa  volonte  soit  faite:  si  faut-il  neantmoins  rapporter  tous  nos  souhaits  a  ces  six  articles  qui  sont  la  contenus  en  l'Oraison  que  nostre  Seigneur  Iesus  Christ  nous  a  donnee.  Encores  que  les  Peres  anciens  n'eussent  point  ceste  reigle-la:  si  est-ce  que  tousiours  ils  ont  este  gouvernez  par  l'Esprit  de  Dieu,  pour  ne  point  extravaguer  de  ce  qui  nous  est  auiourd'huy  enseigne:  tellement  que  toutes  leurs  oraisons  ont  este  conformees  a  la  reigle  que  nostre  Seigneur  Iesus  nous  a  donnee.  Nous  voyons  donc  maintenant,  que  tous  ceux  qui  se  permettent  et  donnent  liberte  de  prier  ceci  et  cela,  ne  s'addressent  point  a  Dieu  comme  il  faut:  et  voila  pourquoy  aussi  ils  sont  frustrez  en  leur  demande.  Et  voila  pourquoy  i'ay  dit,  qu'en  toutes  nos  oraisons  il  nous  faut  bien  aviser  ce  qui  nous  est  licite  selon  la  parolle  de  Dieu.  Or  maintenant  il  y  ha  des  choses  que  Dieu  nous  a  promises  sans  aucune  exception,  lesquelles  nous  pouvons  demander.  Toutes  fois  et  quantes  que  nous  l'avons  offense,  (comme  nous  ne  cessons  de  ce  faire)  il  nous  faut  venir  au  remede,  prians  Dieu  qu'il  nous  pardonne  nos  pechez,  qu'il  nous  face  merci.  Dieu  nous  a  asseurez  qu'il  est  prest  de  ce  faire.  Puis  qu'il  nous  Ta  promis,  il  ne  faut  point  que  nous  luy  venions  demander  grace,  comme  si  nous  ne  savions  quelle  sera  l'issue  de  nostre  demande:  mais  il  faut  que  nous  soyons  resolus  que  Dieu  nous  sera  propice.  Cependant  si  nous  le  prions  qu'il  nous  relasche  les  chastimens:  voila  une  autre  chose  diverse.  Car  il  nous  pardonnera  bien  nos  fautes:  mais  cependant  il  ne  laissera  par  de  nous  dompter  iusques  a  ce  qu'il  cognoisse  que  nos  vices  soyent  corrigez.  Ie  n'enten  pas  comme  font  les  Papistes,  que  Dieu  pardonne  la  coulpe,  et  qu'il  retienne  la  punition,  comme  ils  ont  imagine,  quand  Dieu  pardonne  aux  hommes  leurs  pechez,  qu'il  ne  laisse  pas  cependant  d'executer  sa  rigueur  sur  eux  comme  iuge:  ce  n'est  pas  cela:  mais  Dieu  nous  chastie  pour  nos  pechez,  apres  qu'il  nous  les  a  pardonnez,  non  point  par  forme  de  nous  punir,  mais  c'est  afin  que  nous  soyons  mieux  avisez,  et  sur  nos  gardes:  que  nous  ne  soyons  point  si  legers  de  retourner  a  une  mesme  faute.  Dieu  donc  voyant  que  nous  avons  besoin  d'estre  mattez,  quand  il  luy  plaira  de  nous  chastier,  si  nous  luy  demandons  simplement,  et  sans  condition,  qu'incontinent  il  retire  sa  main:  ceste  demande-la  sera  excessive.  Pourquoy?  Il  nous  envoyera  quelque  maladie,  ou  quelque  autre  affliction:  et  il  fait  que  ce  n'est  point  assez  que