21:78  favoris,  auquel  elle  estoit  interdite.  Ils  pensoyent,  [e  1]  ou  que  Calvin  et  les  autres  Ministres  ne  la  luy  oseroyent  refuser  quand  il  s'y  presenteroit  en  pleine  assemblee:  ou  qu'en  cas  qu'ils  en  fissent  refus,  ce  seroit  pour  esmouvoir  une  sedition,  dont  lesdits  Ministres  s'en  trouveroyent  mal  les  premiers.  Mais  Dieu  monstra  que  la  constance  qu'il  baille  a  ses  serviteurs  est  bien  mieux  fondee  que  l'obstination  des  meschans.  Car  Calvin,  combien  qu'il  ne  fust  adverti  du  complot  que  deux  iours  avant  le  premier  Dimanche  de  Septembre,  qui  estoit  le  iour  de  la  Cene  prochaine,  se  resolut  toutesfois  de  faire  son  devoir  (a  laquelle  resolution  tous  ses  compagnons  se  conformerent)  c'est  assavoir,  de  ne  permettre  que  par  sa  coiiardise  le  sainct  Sacrement  de  la  Cene  fust  profane,  en  le  baillant  a  un  scandaleux,  et  qui  vouloit  rompre  le  sainct  ordre  receu  de  long  temps  en  ceste  Eglise.  Le  Dimanche  sur  la  fin  de  son  sermon,  en  exhortant  l'Eglise  a  recevoir  la  Cene  en  telle  reverence  qu'il  appartient,  il  protesta  que  sa  vie  en  respondroit  presentement,  plustost  que  de  bailler  la  Cene  a  ceux  a  qui  elle  estoit  defendue:  et  que  pourtant  si  quelqu'un  d'iceux  s'y  ingeroit,  qu'il  advisast  bien  ce  qui  en  adviendroit.  Ce  qui  estonna  tellement  ces  meschans,  qu'ils  n'oserent  s'y  presenter.  Et  au  sermon  d'apres  disner  le  mesme  iour,  suivant  son  texte  des  Actes  des  Apostres,  chap.  20,  qui  est  le  sermon  de  sainct  Paul  aux  Anciens  de  l'Eglise  d'Ephese,  il  fit  une  belle  remonstrance  a  toute  l'Eglise  sur  ces  mots  de  l'Apostre:  Parquoy  veillez,  ayans  souvenance  que  par  trois  ans  nuict  et  iour  ie  n'ay  cesse  d'admonnester  avec  larmes  un  chacun.  Et  maintenant,  freres,  ie  vous  recommande  a  Dieu  et  a  la  parole  de  sa  grace,  etc.  Car  il  remonstra  qu'il  estoit  tousiours  prest  de  servir  a  toute  l'Eglise,  et  en  public  et  en  particulier:  mais  que  toutesfois  il  voyoit  les  choses  tellement  disposees,  qu'il  ne  savoit  si  ce  seroit  point  son  dernier  sermon  a  Geneve,  puis  que  ceux  qui  avoyent  la  puissance,  le  vouloyent  contreindre  de  faire  une  chose  qui  ne  luy  estoit  point  licite  selon  Dieu.  Aussi  il  exhorta  le  peuple  de  ne  s'arrester  point  a  sa  personne,  mais  de  bien  retenir  la  parole  de  Dieu  qui  leur  avoit  este  preschee.  Il  faut  donc  (disoit-il)  que  ie  parle  a  vous  d'un  mesme  stile  qu'a  parle  sainct  Paul:  Freres,  ie  vous  recommande  a  Dieu  et  a  \_e  2]  la  parole  de  sa  grace.  La  poursuite  depuis  fut  longue  au  Conseil,  pour  rompre  le  coup  a  telle  entreprinse  (car  elle  dura  environ  un  an)  mais  Dieu  benit  tellement  la  saincte  fermete  de  son  serviteur  Calvin,  qu'il  fut  dit  finalement,  apres  avoir  eu  sur  cest  affaire  l'advis  des  Eglises  de  Suisse,  assavoir  Zurich,  Basle,  Berne  et  Schaffouze,  que  le  Consistoire  demeureroit  en  son  estat,  sans  rien  deroguer  a  la  iurisdiction  spirituelle  qui  y  avoit  este  auparavant  deuement  exercee.