23:779  779  SERMONS.  780  culeusement,  et  le  mouton  en  respond  cependant.  Voici  donc  quels  sacrifices  il  nous  faut  auiourd'huy  offrir  a  Dieu,  c'est  que  tout  ce  qui  est  de  nostre  nature  soit  esteint  et  aboli,  et  puis  nostre  raison:  car  c'est  le  pire  qui  soit  en  nous  [pag.  297J:  ce  qu'on  loue  et  qu'on  prise  tant,  c'est  assavoir,  ceste  prudence  et  ceste  sagesse  sur  laquelle  le  diable  domine:  il  faut  donc  que  cela  soit  mis  sous  le  pie,  et  que  nous  commencions  par  ce  bout  de  nous  dedier  a  Dieu,  et  de  faict  c'est  une  partie  de  nostre  chair.  Car  quand  l'Escriture  parle  de  Chair,  elle  n'entend  pas  ce  qui  est  cache  sous  la  peau  et  le  cuir:  mais  tout  ce  que  nous  avons  du  ventre  de  nostre  mere.  Et  ainsi  il  faut  que  tout  cela  s'en  aille  comme  le  mouton,  et  qu'il  soit  consume  par  le  feu,  et  que  Dieu  abolisse  tout  ce  qui  est  du  nostre:  et  alors  nous  vivrons  comme  il  appartient,  et  serons  offerts  a  Dieu,  comme  il  est  ici  expose  d'Isaac.  Car  combien  que  le  glaive  n'ait  point  passe  par  son  gosier,  si  est-ce  neantmoins  qu'il  a  este  un  sacrifice  a  Dieu.  Il  faut  donc,  que  nous  commencions  par  la,  c'est,  que  tout  ce  qui  vient  de  nous  et  de  nostre  nature  soit  aboli,  comme  aussi  ii  en  est  besoin.  Voila  donc,  ce  que  nous  avons  a  retenir.  Et  au  reste,  apprenons  que  quand  Dieu  a  pitie  de  nous,  et  qu'il  nous  delivre  des  angoisses  ou  il  nous  aura  mis  pour  esprouver  nostre  foy  et  obeissance,  que  c'est  pour  le  moins  qu'un  tel  bien  soit  cognu,  et  que  nous  ayons  la  bouche  ouverte  pour  benir  son  sainct  nom.  Car  si  nous  ensevelissons  ses  benefices,  tant  plus  provoquons-nous  sa  malediction  horrible  [pag.  298]  sur  nostre  teste,  d'autant  que  nous  aurons  profane  une  chose  si  saincte.  Apprenons  donc,  de  tellement  recognoistre  la  bonte  de  Dieu  envers  nous,  que  iamais  nous  ne  mettions  en  oubli  les  signes  qu'il  nous  donne  de  nous  estre  Pere.  Et  que  nous  monstrions  de  nostre  coste  que  nous  ne  cerchons  sinon  qu'il  soit  cognu  en  ses  oeuvres,  comme  il  est  dit  au  Pseau,  cent  et  sezieme:  Que  rendray-io  au  Seigneur  pour  tant  de  benefices  qu'il  m'a  faits?  Ie  prendray  le  calice  de  salut  et  invoqueray  le  nom  du  Seigneur.  Or  David  parle  la  selon  la  coustume  de  son  temps  car  le  Calice  de  salut,  estoit  pour  signifier  que  Dieu  avoit  delivre  ceux  qui  estoyent  a  l'extremite.  Ainsi  donc  auiourd'huy  toutes  fois  et  quantes  que  Dieu  nous  a  secourus  au  besoin,  que  nous  apprenions  qu'il  requiert  de  nous  action  de  graces.  Non  pas  que  cela  luy  apporte  ne  chaud  ne  froid,  mais  c'est  pour  nostre  bien  et  salut:  a  fin  que  quand  nous  userons  de  ce  qu'il  nous  donne,  nous  soyons  de  plus  en  plus  confermez  a  nous  fier  a  luy  et  a  l'invoquer.  Voila  donc,  en  somme  ce  que  nous  avons  a  retenir.  Or  il  est  dit  la  dessus,  qu'Abraham  a  nomme  la  montagne,  Dieu  verra,  et  que  puis  apres  les  successeurs  ont  appelle  ceste  mon-