23:778  d'ordures  et  de  pollutions,  il  faut  que  nous  souillons  et  polluons  les  choses  les  plus  excellentes  et  les  plus  precieuses  qui  soyent.  Comme  de  prier  Dieu,  c'est  une  oeuvre  que  Dieu  approuve  sur  tout,  comme  de  luy  faire  hommage  de  nostre  vie,  et  confesser  que  tout  bien  procede  de  luy.  Or  cependant  toutesfois  cela  encores  seroit  souille  entant  qu'il  vient  de  nous,  sinon  qu'il  fust  purifie  par  le  [pag.  295]  moyen  de  nostre  Seigneur  Iesus  Christ.  Voila  donc,  pourquoy  les  peres  anciens  se  sont  exercez  en  ces  sacrifices  exterieurs.  Or  notamment  il  est  dit  qu'Abraham  a  immole  un  mouton  au  lieu  de  son  fils  Isaac.  Et  la  dessus  l'Apostre  aussi  dit,  qu'il  a  recouvre  son  fils  comme  de  la  mort,  voire  par  similitude.  Il  use  du  mot  de  Parabole,  comme  s'il  disoit  qu'Isaac  estoit  desia  comme  trespasse  quand  il  a  este  mis  sur  l'autel,  il  n'y  avoit  plus  nulle  attente  sinon  qu'il  deust  mourir.  Or  il  y  a  eu  la  une  similitude  de  la  resurrection  (dit  l'Apostre)  quand  Isaac  est  demoure  en  vie.  Car  quelle  distance  y  avoit-il  entre  Isaac  et  un  homme  mort?  Ie  di  quand  nous  regarderons  aux  hommes.  Voila  donc  desia  Dieu  qui  a  propose  comme  en  un  miroir  la  resurrection  qu'il  nous  faut  tous  esperer.  Ici  donc  nous  avons  a  noter  en  premier  lieu,  quand  nous  doutons  de  la  resurrection  qu'il  nous  faut  eslever  les  yeux  a  la  puissance  infinie  de  Dieu,  et  ne  douter  pas  qu'il  ne  soit  puissant  pour  nous  retirer  du  sepulchre  et  de  pourriture:  voila,  di-ie,  la  doctrine  de  la  resurrection,  qui  nous  est  donnee  comme  une  image  visible  en  la  personne  d'Isaac.  C'est  pour  un  Item.  Et  la  dessus  aussi  l'Apostre  monstre  qu'Abraham  n'a  pas  este  frustre,  en  ce  qu'il  a  tellement  glorifie  Dieu,  qu'il  ne  doutoit  pas,  qu'encores  qu'Isaac  fust  [pag.  296]  mort,  que  Dieu  n'en  eust  peu  susciter  semence.  Voila  choses  incompatibles  de  prime  face,  qu'Isaac  meure,  et  cependant  que  de  sa  semence  doyve  proceder  le  salut  du  monde.  Ouy,  mais  Abraham  est  tellement  persuade  que  Dieu  est  Seigneur  par  dessus  la  mort,  qu'il  conclud  qu'il  trouvera  le  moyen,  quoy  qu'il  en  soit,  que  la  promesse  sera  accomplie:  et  que  si  la  chose  est  impossible  selon  l'apprehension  humaine  qu'il  aura  tant  plus  d'occasion  d'exalter  et  magnifier  la  puissance  de  Dieu,  quand  il  aura  accompli  ce  qu'il  ne  pouvoit  comprendre  selon  son  sens  naturel.  Voila  donc  ce  que  nous  avons  a  retenir  sur  ce  que  l'Apostre  dit,  qu'Abraham  n'a  pas  este  frustre  croyant  a  Dieu,  lequel  a  besongne  en  telle  sorte  qu'il  en  a  este  esbahi  comme  d'un  songe.  Or  cependant  nous  avons  aussi  a  noter,  suyvant  le  propos  qui  a  desia  este  touche  ci  dessus,  que  pour  droictement  vivre  il  nous  faut  mourir  a  nousmesmes.  En  ce  mouton  nous  avons  comme  une  image  de  nostre  chair.  Car  voici  Isaac  qui  est  comme  resuscite,  il  vit,  et  Dieu  le  preserve  mira-