8:777  777  DE  SERVET,  778  tie  veoir  lesdictes  espreuves  et  copies  devant  ou  appres  qu'elles  estoient  levees  de  dessus  la  presse.  23.  Item,  s'il  persiste  encores  a  le  nier,  fauldra  luy  remonstrer  qu'il  ment,  et  que  ce  seroit  une  chose  impossible.  24.  Item,  sera  interroga  si  de  ces  choses  il  s'en  veult  rapporter  ausdictz  Arnollet  et  Guillaume  et  a  ce  qu'ilz  en  ont  dict.  25.  Item,  sera  interroga  quel  estoit  le  surnom  dudict  Guillaume  et  si  ce  n'estoit  pas  Guillaume  Gueroux.  26.  Item,  en  quel  aage  il  a  este  couppe  d'ung  coste  et  rompu  de  l'aultre.  27.  Item,  si  luy  estant  a  Charlieu  a  pas  tenu  propoz  de  se  marier  a  une  fille  dudict  lieu.  28.  Item,  si  quant  on  luy  parloit  de  se  marier  il  ne  disoit  pas  qu'il  se  trouvoit  assez  de  femmes  sans  se  marier.  29.  Item,  s'il  n'a  pas  paillarde  audiet  Charlieu  et  ailleurs.  30.  Item,  que  c'est  qu'il  entend  par  ce  qu'il  a  respondu  sur  le  20  Interrogat  dernierement  faict,  que  la  verite  commence  a  se  declarer  et  s'achevera  a  chas  l)  peu  du  tout.  31.  Item,  si  par  cela  il  n'entend  pas  que  sa  doctrine  sera  receue  et  que  c'est  une  doctrine  de  verite.  Item,  par  quel  passage  de  l'Escriture  il  veult  monstrer  que  les  enfans  n'estoient  point  puniz  devant  vingt  ans.  32.  Item,  qu'il  responde  pertinemment  sur  ce  qu'il  avoit  este  interroge  a  ce  propoz,  que  telle  proposition  donneroit  toute  occasion  aux  ieunes  gens  de  paillarder,  adulterer,  desrober,  tuer  et  commettre  tous  aultres  crimes,  comme  estans  persuadez  par  la  doctrine  dudict  Servet  qu'ilz  ne  pecheroient  point.  Ioinct  que  la  responce  qu'il  a  faicte  sur  cela  ne  correspond  a  l'Interrogat  et  contient  une  contrariete  evidente  en  ce  qu'il  dict,  que  les  Signeurs  peulvent  punir  lesdictz  ieunes  gens,  comme  il  leur  plaist.  Oar  s'ilz  ne  pechoient  point  devant  ledict  aage  de  vingt  ans,  ce  seroit  mal  faict  au  Magistrat  de  les  punir.  Car  nul  crime  ne  peult  estre,  sans  dol  et  peche.  33.  Item,  si  ce  n'est  pas  une  faulse  doctrine  et  opinion,  de  dire,  que  maintenant  nous  ne  sommes  soubz  la  loy,  quant  a  iuger  si  nous  pechons  ou  commettons  crime  ou  non.  34.  Item,  puis  qu'il  scavoit  bien  que  le  livre  d'Alcoran  est  ung  meschant  livre  plain  de  blasphemes,  pourquoy  5  en  allegue  des  passages  en  son  livre  pour  soustenir  sa  doctrine  et  excuser  les  Turcz.  1)  a  chas,  c.-a-d.  petit  a  petit,  peu  a  peu.