23:777  777  SERMONS.  778  de  ce  passage.  Or  il  est  dit  la  dessus  qu'Abraham  a  leve  les  yeux  et  a  regarde,  et  voici  un  mouton  qui  estoit  entortille  par  les  cornes.  Abraham  est  alle  et  Ta  pris,  et  Ta  offert*en  sacrifice  au  lieu  de  son  fils  Isaac.  Ici  nous  voyons  que  Dieu  s'est  contente  de  l'obeissance  d'Abraham,  qu'il  n'a  pas  exige  de  luy  qu'il  tuast  son  fils.  Il  est  vray  qu'il  luy  avoit  commande,  car  il  faloit  aussi  qu'Abraham  s'y  apprestast:  mais  quand  c'est  venu  au  faict,  Dieu  a  declaire  son  conseil,  c'est  assavoir,  que  seulement  il  avoit  voulu  appeler  Abraham  a  cest  examen  de  foy  et  de  patience,  et  qu'il  [pag.  293]  fust  prest  de  renoncer  a  l'amour  paternelle  qu'il  portoit  a  Isaac,  et  a  tout  ce  qu'il  en  avoit  attendu,  ne  cerchant  autre  chose  sinon  la  verite  de  Dieu:  voire  et  en  la  cerchant  qu'il  ne  regardast  pas  aux  moyens  qui  luy  pouvoyent  estre  cognus  et  visibles:  mais  cognoissant  qu'elle  avoit  son  effect,  combien  que  tout  y  contredit.  Voila  donc  pourquoy  ce  mouton  est  offert  en  sacrifice  et  non  pas  Isaac.  Or  cependant  nous  avons  a  noter  que  Dieu  a  donne  ce  mouton  a  Abraham,  a  fin  qu'il  luy  en  rendist  louange  solennelle  de  la  grace  qu'il  luy  avoit  faite  outre  son  espoir.  Il  est  vray  que  Dieu  se  fust  bien  contente  de  la  foy  d'Abraham:  mais  si  est-ce  qu'il  veut  qu'il  y  ait  sacrifice  pour  tesmoignage  plus  certain:  comme  de  ce  temps-la  l'usage  en  estoit  entre  les  peres  anciens,  et  c'estoit  en  attendant  la  venue  de  nostre  Seigneur  Iesus  Christ.  Car  auiourd'huy  il  n'est  pas  licite  d'offrir  ni  moutons,  ni  veaux  a  Dieu:  ce  seroit  deroguer  a  la  mort  et  passion  de  son  fils  unique,  en  laquelle  nous  avons  un  sacrifice  perpetuel,  et  qu'il  n'est  pas  licite  de  reiterer.  Ainsi  donc  auiourd'huy  toutes  les  figures  et  ceremonies  sont  passees.  Il  suffit  que  nous  protestions  combien  nous  sommes  tenus  et  obligez  envers  Dieu  pour  tous  ses  benefices:  que  chacun  en  son  prive  les  recognoisse,  et  qu'apres  estans  [pag.  294]  asseurez  nous  protestions  aussi  d'une  bouche  et  d'un  courage  que  nous  tenons  tout  de  luy.  Mais  alors  il  falloit  (comme  i'ay  dit)  que  les  peres  s'exercassent  en  ceste  facon  de  sacrifier:  et  c'estoit  pour  monstrer  que  nulles  actions  de  graces  ne  peuvent  estre  acceptees  de  Dieu,  sinon  par  le  moyen  de  nostre  Seigneur  Iesus  Christ:  comme  auiourd'huy  l'Apostre  nous  ramene  a,  ceste  verite  la.  au  dernier  chapitre  de  l'Epistre  aux  Hebrieux,  quand  il  est  dit  que  par  Iesus  Christ  nous  offrons  auiourd'huy  les  sacrifices  de  louanges,  qui  sont  les  veaux  de  nostre  bouche.  Il  monstre  par  cela  que  ies  sacrifices  n'ont  rien  este,  sinon  pour  la  fin  ou  iis  tendoyent.  Et  au  reste,  si  nous  n'avions  le  sang  de  nostre  Seigneur  Iesus  Christ,  et  que  nos  prieres  et  actions  de  graces  fussent  purifiees  par  luy,  il  est  certain  que  rien  ne  pourroit  sortir  de  nous  qui  ne  fust  pollu.  Car  d'autant  que  nous  sommes  pleins