9:776  non  per  organa  corporis  externa,  sed  arcana  sua  virtute  mentes  fidelium  tam  vere  tamque  efficaciter  pascit  corpore  et  sanguine  Domini  in  vitam  aeternam,  quam  vere  sciunt  se  pane  et  vino  pasci  ad  vitam  hanc  caducam  sustinendam.  a)  1.  Cor.  10,  3  sq.  Omnes  eandem  escam  spiritualem  ederunt,  et  omnes  eundem  potum  spiritualem  biberunt:  bibebant  enim  ex  spirituali  sequente  petra:  petra  autem  erat  Christus.  IX.  Ut  corpore  Christi  pascamur  in  vitam  aeternam,  non  vult  Christus  ut  credamus  corpus  suum  aut  sanguinem  suum  descendere  de  coelo  super  altare,  aut  circum  altare,  in  panem  aut  sub  panem,  aut  non  procul  a  pane:  non  magis  quam  in  baptismo  opus  est,  ut  vera  membra  corporis  Christi  fiamus,  ipsum  corpus  Christi  de  coelo  in  aquam  aut  sub  aquam  descendere,  aut  non  procul  ab  aqua  stare:  quemadmodum  nec  in  verbo  vocali  tali  corporis  descensu  est  opus,  ut  totius  Christi  fiamus  participes,  sed  satis  potentiae  spiritui  Domini,  qui  a  patre  filioque  procedit,  inesse  credimus,  ut  vere  nos  in  baptismo  eius  corporis  faciat  membra,  quod  est  et  manet  in  coelo.  Et  in  sacra  coena  eodem  corpore  manente  in  coelo  magis  ae  magis  nos  nutriat  per  arcanam  atque  efficacissimam  potentiam  suam  et  virtutem.  Haec  doctrina,  quod  corporis  Christi  nullus  fiat  descensus  aut  illapsus,  visibilis  aut  invisibilis,  fundata  est  in  clarissimis  scripturae  sacrae  testimoniis.  Quatenus  enim  Christus  est  homo,  testatur  scriptura  eum  recessisse  (Lucae  24,  51),  abiisse  (Ioann.  14,  4),  mundum  hunc  reliquisse  (Ioann.  16,28),  sublatum  esse  (Act.  1,  l  l  )  in  sancta  CCX^QOTIO^TOC  (Hebr.  9,  ll  et  24),  contineri  coelo  ad  tempus  usque  restitutionis  omnium  (Act.  3,  21).  Nec  pugnant  cum  hac  doctrina  verba  Christi:  Hoc  est  corpus  meum  quod  pro  vobis,  ete  Nam  ipsius  Christi  optimus  interpres  est  D.  Paulus,  qui  hoc  interpretatur:  panis  quem  frangimus;  verba  Christi:  est  corpus  meum,  interpretatur:  est  communicatio  (1.  Cor.  10)  corporis  Christi.  Iam  autem  ante  demonstratum  est,  unicam  hanc  esse  communicandi  rationem,  qua  per  spiritum  sanctum  eius  fimus  participes,  qui  effector  est  huius  communicatonis,  quum  sit  virtus  Dei  viventis  a  patre  filioque  procedens.  Consentit  etiam  haec  doctrina  cum  Symbolo  apostolico  sive  articulis  fidei,  quorum  inviolabilis  et  simplicissima  inter  pios  omnes  constare  debet  certitudo,  his  nimirum:  Ascendit  in  coelum,  sedet  ad  dexteram  Dei  omnipotentis,  inde  venturus  est  ad  iudicandum  vivos  et  mortuos.  Hos  articulos  fidei  ita  ut  nos  intellexit  D.  Augus-