23:776  competans  en  nostre  cause.  Il  faut  donc,  que  le  tout  viene  a  l'apparence  de  Dieu,  et  a  son  bureau.  Or  il  est  dit  notamment,  que  quand  nous  n'aurons  rien  espargne  pour  l'amour  de  Dieu,  qu'alors  nous  aurons  tesmoignage  certain  et  infalible,  que  nous  l'aimons.  Au  contraire  si  nous  espargnons  rien  quand  il  sera  question  de  son  service,  voila  nostre  hypocrisie  qui  est  descouverte,  ou  au  paravant  on  ne  l'avoit  point  cognue,  et  n'en  pouvoit-on  point  iuger  aussi.  Brief,  tout  ainsi  que  la  perfection  des  Chrestiens  c'est  d'adherer  a  Dieu  d'une  volonte  franche:  aussi  le  second  doit  estre  conioint,  c'est  assavoir,  que  pour  aimer  Dieu  nous  soyons  prests  de  tout  quitter,  voire  quelque  desirable  qu'il  soit.  Et  que  nous  apprenions  de  preferer  son  honneur  a  toutes  [pag.  291]  choses  les  plus  precieuses  que  nous  ayons,  iusques  a  n'espargner  ne  pere,  ne  mere,  ni  femme,  ni  enfans,  ni  nos  vies  propres.  C'est  donc  ce  que  nous  avons  a  mediter  tout  le  temps  de  nostre  vie,  quand  nous  voudrons  savoir  et  nous  bien  enquerir  si  nous  avons  profite  en  la  crainte  de  Dieu  et  en  son  amour,  que  nous  regardions:  Or  ca,  tu  es  addonne  a  tes  biens,  tu  appetes  trop  les  honneurs.  Qu'un  homme  viene-Ia,  et  qu'il  entre  en  conte  avec  soy-mesme  sans  feintise.  S'il  te  falloit  renoncer  a  tous  les  honneurs  du  monde  que  tu  fusses  vilipende,  qu'on  te  crachast  au  visage,  et  que  cela  fust  requis  pour  l'honneur  de  Dieu,  comment  le  porterois-tu  ?  Si  cest  homme-la  trouve,  Helas,  ie  ne  sauroye:  s'il  se  sent  encores  empesche  tant  de  son  ambition,  qu'il  ne  puisse  pas  estre  la  comme  couche  tout  plat,  quand  il  plaira  ainsi  a  Dieu,  o  il  est  certain  qu'encores  n'est-il  pas  venu  la  ou  il  falloit.  Qu'il  s'efforce  donc  et  qu'il  marche  plus  outre.  L'autre  aussi  qui  aura  des  biens  et  des  possessions,  qui  aura  train  de  marchandise,  qu'il  regarde:  Or  ca,  s'il  falloit  que  tu  fusses  appovri,  que  seroit-ce?  Si  Dieu  vouloit  pour  la  gloire  de  son  nom  que  tu  n'eusses  pas  du  pain  a  manger,  que  ferois-tu?  Si  un  homme  trouve:  O  il  me  seroit  impossible  de  cela,  i'aimeroye  mieux  cent  fois  mourir  que  d'endurer  [pag.  292]  telle  disette:  qu'il  pense,  Helas,  ie  suis  encores  bien  eslongne  de  Dieu:  il  faut  donc  m'efforcer  mieux  que  iamais.  Autant  en  est-il  de  toutes  les  autres  povretez.  S'il  falloit  que  l'un  quitast  son  pays,  l'autre  femme  et  enfans,  et  qu'il  ne  peust  arracher  cela  de  soy-mesme,  qu'il  n'y  eust  de  grands  bouillons,  qui  l'empeschassent  de  se  renger:  qu'il  cognoisse:  Or  ca,  ie  cuidoye  estre  bien  obeissant  a  Dieu:  mais  ie  l'ay  cuide  tant  seulement,  ce  n'a  este  qu'une  imagination  vaine  d'ou  i'estoye  deceu.  Il  faut  donc  que  ie  me  despouille  de  ces  passions,  et  que  ie  commence  de  renoncer  a  moy  et  a  tout  ce  que  i'aime,  et  que  Dieu  cognoisse  que  ie  suis  addonne  a  luy,  et  qu'il  approuve  mon  service.  Voila  donc,  ce  que  nous  avons  a  retenir