8:775  775  PROCES  776  Tet  se  porte  en  ses  responses  pour  abuser  iustice,  et  s'il  a  penitence  de  ses  horribles  mesfaictz.  Car  en  aulcunes  responses  il  dict  qu'il  s'offre  estre  corrige  et  crie  mercy:  Et  apres  en  plusieurs  aultres  lieux  il  s'asseure  et  maintient  audacieusement  n'avoir  mal  dict  ny  mal  faict.  Item  ioinct  aussi  qu'il  ne  se  contente  qu'il  soit  convaincu  de  telles  impiete  et  malheureuse  doctrine,  mais  il  s'efforce  par  une  meschante  volunte  d'en  charger  Capito  et  Oecolampade,  personnages  tant  honorables,  fideles  et  approuvez  de  toutes  les  eglises.  Et  les  livres  desquelz  estans  imprimez  pour  le  grand  proffict  et  advancement  de  la  religion,  contiennent  tout  le  contraire  de  ce  que  leur  impose  faulsement  et  calumnieusement  ledict  Servet,  se  confiant  en  ce  qu'ilz  sontmortz:  Mais  graces  a  Dieu  leur  memoire  et  verite  de  leur  doctrine  vit  encores,  non  seullement  en  leurs  livres,  mais  en  la  conscience  de  plusieurs  fideles  docteurs  et  de  toutes  les  eglises  chrestiennes  qui  scauront  bien  iuger  et  tesmoigner  de  la  meschante  calumnie  dudict  Servet.  Item  veu  qu'il  scait  tant  bien  mentir,  ny  a  raison  a  ce  qu'il  demande  ung  procureur.  Car  qui  est  celuy  qui  luy  peust,  ny1)  voullust  assister  en  telles  impudentes  menteries  et  horribles  propoz?  Ioinct  aussi  qu'il  est  deffendu  par  le  droict,  et  ne  fut  iamais  veu,  que  telz  seducteurs  parlassent  par  conseil  et  interposition  de  procureur.  Et  davantaige  ny  a  ung  seul  grain  d'apparence  d'innocence  qui  requiere  ung  procureur.  Parquoy  doibt  sur  le  champ  estre  deboute  de  telle  requeste  tant  inepte  et  impertinente,  et  respondre  pertinemment  sur  les  articles  suyvantz.  1.  Premierement,  par  quelles  histoires  il  veult  prouver  ce  qu'il  allegue  en  sa  requeste  de  Constantin  le  grand  et  de  l'eglise  ancienne,  touchant  la  congnoissance  et  punition  des  heretiques.  2.  Item,  s'il  ne  scait  pas  bien  que  le  crime  de  calumnie  et  faulse  accusation  ou  delation  est  ung  crime  capital.  3.  Item,  et  mesmement  quant  on  charge  calumnieusement  et  faulsement  d'heresie  et  blaspheme  des  ministres  et  docteurs  de  la  parolle  de  Dieu.  4.  Item,  si  Capito  et  Oecolampade  estoient  pas  docteurs  et  ministres  de  la  parolle  de  Dieu  fideles  et  approuvez  par  les  Eglises  chrestiennes  et  bien  reformees.  5.  Item,  s'il  n'a  pas  dict  et  maintenu  que  lesdictz  Capito  et  Oecolampade  ont  este  de  son  opinion.  6.  Item,  comment  il  a  sceu  cela.  7.  Item,  par  qui  et  comment  il  entend  le  prouver.  1)  Trechsel  et  Rtttiet:  ou.