23:775  775  SERMONS.  776  serions  esmeus  que  pour  l'authorite  qu'il  a  par  dessus  nous.  Et  cela  ne  seroit  que  fumee.  Mais  quand  nous  l'aimons,  son  service  nous  est  quant  et  quant  amiable.  Car  David  ne  dit  pas  seulement  que  la  Loy  de  Dieu  luy  a  este  precieuse  plus  que  l'or  et  l'argent:  mais  aussi  qu'elle  luy  a  este  douce  comme  miel.  Ainsi  donc,  au  lieu  que  nous  sommes  adonnez  a  nos  plaisirs  et  voluptez,  et  que  les  cupiditez  de  nostre  chair  nous  abrutissent,  et  nous  transportent  tellement,  et  nous  alleehent,  que  nous  ne  demandons  sinon  d'embrasser  les  vanitez  qui  se  proposent:  au  lieu  donc  que  de  nature  nous  sommes  enclins  a  cela,  Dieu  nous  veut  changer:  c'est  a  dire,  qu'au  lieu  que  nos  concupiscences  nous  attirent  ca  et  la,  que  nous  ayons  ceste  affection  qui  surmonte,  c'est  assavoir,  que  nous  prenions  plus  de  plaisir  de  nous  addonner  a  luy,  et  que  nous  soyons  gouvernez  par  son  sainct  Esprit,  pour  nous  conformer  a  sa  iustice.  Que  donc  nous  prenions  plus  de  plaisir  [pag.  289]  a  cela  qu'en  toutes  nos  voluptez  meschantes  et  corrompues.  Au  reste,  l'amour  de  Dieu  ne  peut  estre  sans  reverence.  Nous  ne  l'aimons  pas  comme  nostre  inferieur,  et  comme  nostre  compagnon  et  pareil:  mais  comme  nostre  Pere.  Et  voila  aussi  pourquoy  il  dit  par  son  Prophete:  Si  ie  suis  vostre  Pere,  ou  est  l'amour  que  vous  me  portez?  Notamment  il  attribue  ce  nom  d'Amour  au  Pere.  Or  il  met  aussi  quant  et  quant  le  mot  de  Maistre  :  mais  sur  tout  il  se  nomme  Pere,  et  non  sans  cause.  Car  si  nous  ne  cognoissons  Dieu  seulement  que  comme  nostre  superieur,  il  est  certain  que  nous  serons  bien  esmeus  de  nous  assuiettir  a  luy:  mais  comme  i'ay  desia  dit,  ce  sera  une  crainte  servile.  Or  le  principal  est  que  nous  le  tenions  pour  nostre  Pere,  et  que  nous  soyons  comme  ravis  de  nous  conformer  a  sa  volonte,  puis  qu'il  luy  a  pleu  de  nous  adopter  pour  ses  enfans.  De  la  donc  procede  ceste  reverence  volontaire.  Et  voila  comme  nos  coeurs  seront  distraits  de  toutes  ces  vanitez  ausquelles  ils  sont  enclins,  iusques  a  ce  que  Dieu  les  dedie  a  soy.  Ainsi  notons  bien  que  pour  approuver  nostre  vie  a  Dieu,  et  pour  estre  bien  reiglez,  il  ne  faut  point  seulement  que  nous  facions  ce  qu'il  nous  commande:  mais  que  nous  desirions  aussi  de  le  faire,  et  que  nous  captivions  toutes  nos  passions  [pag.  290]  et  cupiditez,  qui  resistent  a  ce  que  nous  ne  soyons  attirez  a  Dieu  pour  estre  conioints  a  luy  et  a  sa  iustice,  et  pour  y  adherer.  C'est  encores  ce  que  nous  avons  a  retenir  sur  ce  mot  d'Amour.  Or  il  adiouste,  rendant  la  raison  pourquoy  il  a  cognu  qu'Abraham  l'aimoit.  D'autant,  dit-il,  que  tu  n'as  point  espargne  ton  fils  unique.  Or  voici  la  touche  a  laquelle  il  nous  faut  venir,  pour  savoir  si  nous  aimons  Dieu,  ou  non.  Vray  est  que  chacun  se  fera  accroire  que  rien  ne  luy  defaut:  mais  cependant  nous  ne  sommes  pas  iuges