8:774  ou  est  au  long  comprise  et  recitee  la  doctrine  chrestienne  de  la  Trinite  et  la  condamnation  des  heresies  contraires  a  icelle  doctrine.  Item  et  pourtant  est  chose  toute  manifeste  que  ledict  Servet  est  des  plus  audacieux,  temeraires  et  pernicieux  heretiques  qui  furent  iamais:  attendu  que  ne  se  contentant  du  mal  quil  a  faict,  il  veult  encores  subvertir  tout  ordre  de  iustice  et  oster  le  glaive  et  droit  de  punition  aux  Magistratz,  qui  leur  a  este  donne  de  Dieu.  Mais  il  ne  s'en  fault  esbair.  Oar  sa  conscience  mesmes  le  condamne  et  argue  digne  de  mort.  Et  pour  cela  eviter,  il  a  voulu  prevenir  en  mettant  en  avant  une  telle  faulse  doctrine  de  ne  punir  les  criminelz  a  la  mort.  Item  pour  le  demonstrer  encores  mieux  en  son  Epistre  27  *)  il  dict  qup  le  iugement  rigoreux  de  mort  a  este  remis  et  aboly  par  Christ.  Et  a  ce  propoz  il  allegue  et  destorne  l'histoire  de  la  femme  adultere  en  S.  Iean,  et  le  passage  de  Anania  et  Saphira  au  5  chapitre  des  Actes,  disant  que  pour  punir  de  mort  il  fault  une  specialle  revelation  du  S.  Esprit.  Item  ce  qu'il  dict  davantage  par  sa  requeste,  qu'il  a  reprouve  la  doctrine  des  Anabaptistes  seditieux  contre  les  Magistratz,  c'est  aussi  pour  prevenir  et  preoccuper  vostre  iugement,2)  parce  qu'il  scaict  bien  qu'il  est  coulpable  non  seullement  de  l'erreur  des  Anabaptistes,  mais  de  beaucoup  plus  grandes.  Et  davantage  ne  scauroit  monstrer  un  seul  passage  ou  il  aict  reprouve  lesdictz  Anabaptistes.  Item  est  une  evidente  menterie  ce  qu'il  dict  n'avoir  iamais  communique  de  sa  doctrine  a  personne  qu'a  Bucerus,  Capito  et  Oecolampade.  Car  luy  mesmes  a  dict  sur  le  10  Interrogat,  qu'il  penseroit  offenser  Dieu  s'il  avoit  cache  et  non  communique  aux  aultres  ce  que  Dieu  luy  avoit  revelle.  Item  aussi  est  bien  convaincu  d'en  avoir  escrit  a  Mr.  Calvin3)  et  a  Mre.  Abel  popin.  Et  s'il  a  este  tant  hardy  et  temeraire  d'en  escrire  de  sa  main  propre,  comment  est  ce  qu'on  le  croira  de  n'en  avoir  parle  a  personne  depuis  trente  ans  qu'il  a  entrepris  de  traicter  et  faire  imprimer  ces  horribles  heresies.  Considere  aussi  son  aage  de  vingt  ans,  auquel  il  a  commence,  auquel  aage  les  ieunes  gens  ne  se  peulvent  garder  de  communiquer  a  leurs  compagnons  ce  qu'ilz  scavent  et  estudient.  Parquoy  on  peult  bien  iuger  de  quelle  conscience  ledict  Ser-  1)  Ce  passage  de  Servet  est  aussi  cite  tout  au  long  et  combattu  par  Calvin,  Defensio  p.  8  ss.  2)  Ces  mots:  c'est  aussi  .  .  .  iugement,  manquent  dans  Trechsei  3)  Cf.  Calvin.  Des  ens.  p.  37:  Lugduni  quum  esset,  tres  mihi  quaestiones,  quasi  illudens,  solvendas  misit.  Quod  illi  non  satisfecit  mea  responsio,  miratus  non  sum.  49*