23:774  lant  tuer  son  fils.  Voila  Abraham  qui  a  quitte  son  parentage,  et  le  lieu  de  sa  naissance,  il  s'est  laisse  gouverner  a  Dieu  ne  sachant  ou  il  alloit,  il  a  este  tracasse  par  tout  le  pays  de  coste  et  d'autre,  la  famine  l'a  chasse  en  Egypte,  il  est  tormente  tant  et  plus,  en  sorte  qu'il  semble  que  Dieu  a  tousiours  la  main  levee,  et  le  fouet  au  poing  pour  frapper  dessus.  Et  cela  n'a  pas  dure  seulement  un  an  ou  deux  :  mais  il  ne  cesse  par  l'espace  de  trente  et  quarante  ans  d'estre  ainsi  afflige,  qu'il  sembloit  que  Dieu  le  foulast  aux  pieds  chacun  iour.  A-il  tant  endure?  A-il  une  constance  si  victorieuse,  que  nous  sommes  contraints  de  nous  en  esmerveiller?  Encores  Dieu  dit  qu'il  a  cognu  au  besoing  s'il  l'aimoit  ou  non.  Et  que  sera-ce  donc  quand  chacun  de  nous  se  sera  acquitte  aucunement  de  son  devoir:  et  que  sous  ombre  de  cela  nous  aurons  pris  licence  de  nous  tenir  a  nostre  aise  et  en  repos,  et  que  nous  vueillons  entrer  en  conte  avec  Dieu,  pour  dire  qu'il  ne  doit  pas  nous  poursuivre  plus  outre?  Notons  bien  donc,  que  ce  n'est  pas  a  nous  de  mettre  fin  ne  mesure  a  tous  les  exercices  de  nostre  foy,  pour  dire  que  quand  nous  aurons  employe  toutes  [pag.  287]  nos  forces  pour  l'honneur  de  Dieu,  nous  pensions  que  c'est  assez  fait,  et  que  les  autres  peuvent  bien  entrer  en  reng,  et  que  nous  pouvons  nous  tenir  comme  francs  et  quittes.  Or  ce  n'est  pas  a  nous  d'en  venir  la.  Et  pourquoy?  Car  Dieu  se  reserve  ceste  cognoissance  et  iugement.  Et  nous  voyons,  puis  qu'il  proteste  qu'il  n'a  point  encores  cognu  qu'Abraham  l'aimast,  en  cela  il  declaire  qu'il  n'en  avoit  point  encores  approbation  suffisante,  combien  qu'il  eust  tant  endure,  combien  qu'il  eust  monstre  un  si  grand  zele,  et  qu'il  eust  persiste  par  si  longue  espace  de  temps.  Cognoissons  donc  que  quand  nous  pourrions  cent  fois  plus  que  nul  denous  ne  peut  monstrer,  encores  faut-il  marcher  plus  outre:  et  estre  la  prompts  et  diligents,  iusques  a  ce  que  Dieu  declaire  qu'il  a  cognu  et  qu'il  se  contente.  Voila  donc  pour  un  Item.  Or  il  y  a  aussi  a  noter,  que  le  principal  service  que  Dieu  demande  c'est  que  nous  l'aimions:  car  la  crainte  servile  ne  seroit  rien  quand  nous  tremblerions  devant  sa  maieste,  et  puis  que  nous  ferions  ce  qu'il  nous  commande  maugre  nous.  Dieu  reprouveroit  tout  cela.  Il  est  vray  que  quelquefois  encores  semblera-  il  qu'il  accepte  une  obeissance  forcee:  mais  ce  n'est  pas  qu'il  l'approuve.  Cela  se  fait  pour  l'exemple:  et  cependant  il  reiecte  les  personnes,  quand  [pag.  288]  elles  n'ont  pas  une  volonte  franche  et  liberale.  Le  principal  donc  de  nostre  vie,  c'est  que  nous  aimions  Dieu:  comme  aussi  il  le  declaire  au  sommaire  de  la  Loy:  Tu  aimeras  le  Seigneur  ton  Dieu,  dit-il.  Il  pouvoit  user  du  mot  de  crainte:  mais  ce  n'eust  pas  este  assez  (car  comme  i'ay  dit),  nous  ne  servirions  Dieu  qu'a  demi,  quand  nous  ne  49*