23:773  773  SERMONS.  774  ceste  [pag.  284]  resolution,  que  Dieu  luy  pouvoit  ratifier  la  promesse  encores  que  son  fils  Isaac  fust  mort,  et  qu'il  luy  pouvoit  susciter  salut  des  cendres  qui  eussent  este  faites  de  son  corps.  Mais  tant  y  a  neantmoins  qu'il  semble  qu'il  y  ait  ici  quelque  diversite  entre  ces  deux  sentences  de  Dieu,  et  cependant  voici  qui  nous  peut  oster  de  toutes  doutes  et  scrupules  que  nous  pourrions  avoir  sur  cela  quand  il  est  dit,  que  Dieu  a  voulu  esprouver  la  foy  d'Abraham.  Et  nous  faut  bien  noter  ce  qu'il  dit:  Pay  cognu  que  tu  m'aimes,  quand  tu  n'as  point  espargne  ton  fils  unique.  Quand  Dieu  dit  qu'il  a  cognu,  ce  n'est  pas  que  toutes  choses  ne  luy  soyent  presentes,  car  il  sonde  les  coeurs  et  les  pensees  les  plus  secrettes:  il  n'y  a  rien  qui  luy  soit  cache:  et  quelque  hypocrisie  qu'il  y  ait  en  nous,  tant  y  a  que  tousiours  cela  luy  est  reserve,  qu'il  void  tout  ce  qui  est  le  plus  profond  en  toutes  nos  pensees:  comme  Ieremie  en  parle  au  dixseptieme  chapitre.  Car  la  il  dit  que  les  hommes  sont  si  tortus,  et  qu'ils  ont  tant  de  retraites  eu  eux-mesmes,  qu'il  semble  que  ce  soit  un  abysme  que  de  leur  coeur.  Mais  tant  j  a,  dit-il,  qu'ils  ne  tromperont  point  Dieu,  combien  qu'ils  se  deguisent,  et  qu'ils  se  transfigurent,  et  qu'ils  ayent  tant  de  mensonges,  pour  se  cacher  devant  le  monde,  si  faut-il  que  Dieu  tousiours  retiene  son  office,  [pag.  285]  Puis  qu'ainsi  est,  il  est  certain  que  Dieu  n'attend  pas  que  nous  luy  monstrions  exterieurement  ce  qui  est  en  nous.  Mais  encores  qu'il  ne  voye  ne  pieds  ne  mains  si  sait-il  ce  que  nous  avons  et  de  pensees  et  d'affections.  Mais  ii  parle  ainsi  a  la  facon  commune,  qu'il  cognoit  ce  qui  est  esprouve,  non  pas  seulement  d'autant  qu'il  nous  le  faict  cognoistre  comme  aucuns  l'ont  expose:  cela  est  trop  maigre:  mais  c'est  d'autant  qu'il  esprouve  de  fait  ce  qui  estoit  auparavant  en  doute.  Voila  donc  quant  a  ce  mot.  Or  venons  a  l'amour  dont  il  parle:  I'ay  cognu  que  tu  m'as  aime,  dit-il.  Et  comment?  Abraham  n'avoit-il  pas  desia  donne  auparavant  assez  d'approbation?  Car  nous  savons  que  Dieu  l'avoit  examine  en  plusieurs  sortes.  Mais  ceci  defailloit  encores,  et  nous  n'en  pourrions  pas  iuger  selon  nostre  sens.  Mais  puis  que  Dieu  en  a  ainsi  prononce,  tenons-nous  a  son  arrest.  Et  ainsi  c'est  un  point  qui  est  encores  bien  notable:  quand  nous  aurons  chemine  en  la  crainte  de  Dieu,  et  que  nous  aurons  tesmoigne  pour  quelque  temps  que  nous  desirons  de  le  servir  et  honorer,  chacun  voudroit  prendre  son  conge,  pour  dire:  O  i'en  ay  assez  fait,  et  qu'est-ce  que  Dieu  requiert  d'avantage?  Voila  comme  nous  voudrions  conter  avec  Dieu,  en  telle  sorte  que  si  nous  luy  avons  fait  quelque  service,  qu'il  [pag.  286]  nous  quitast,  et  qu'il  ue  nous  pressat  point  davantage.  Mais  regardons  si  nous  sommes  pareils  a  Abraham,  encores  que  nous  laissions  cest  acte  qu'il  a  fait  vou-