23:772  que  si  ceste  loge  est  abattue,  qui  n'est  sinon  que  de  fueilles  et  matiere  caduque,  que  nous  avons  un  edifice  au  ciel  qui  est  beaucoup  meilleur:  voila  qui  nous  fera  [pag.  282]  prendre  la  mort  en  gre,  et  mesmes  que  nous  venions  devaut  Dieu  la  teste  levee,  cognoissant  que  nous  sortons  comme  d'une  prison:  car  ceste  maudite  captivite  laquelle  chacun  doit  sentir  en  soy,  iamais  ne  cessera  iusques  a  tant  que  Dieu  nous  ait  despouillez  de  ceste  chair  corruptible.  Voila  donc  comme  il  nous  faut  resister  a  nos  affections  humaines,  a  fin  de  nous  laisser  gouverner  a  Dieu,  tellement  qu'il  soit  Seigneur  et  maistre  de  nostre  vie.  Or  comme  nous  avons  a  faire  tels  efforts,  aussi  d'autre  coste  ne  perdons  point  courage,  combien  qu'il  y  ait  quelque  infirmite  en  nous,  qui  nous  retiene.  Et  quand  il  sera  question  de  la  mort,  que  nous  serons  effrayez,  que  nous  voudrions  bien  flechir,  ou  reculer  s'il  nous  estoit  possible:  quand  donc  nous  sentirons  de  tels  combats,  ne  pensons  pas  que  Dieu  n'accepte  nostre  service,  moyennant  que  nous  mettions  peine  a  domter  ce  qui  est  de  nostre  chair:  et  que  nous  facions  tousiours  ceste  conclusion,  combien  que  nous  soyons  esbranlez  de  coste  et  d'autre,  que  nous  revenions  tousiours  la,  Dieu  m'a  donne  la  vie:  il  faut  que  ie  la  resigne  entre  ses  mains:  et  puis  il  veut  que  ie  m'employe  vivant  et  mourant  a  son  service:  et  si  son  nom  est  glorifie  par  ma  mort,  qu'ainsi  soit,  et  que  ie  passe  par  la.  Si  donc  nous  pouvons  gagner  cela  sur  [pag.  283]  nous,  Dieu  acceptera  le  service  que  nous  luy  faisons  comme  valable,  encores  qu'il  nous  salle  ahanner  et  suer  (par  maniere  de  dire)  d'autant  qu'en  nostre  nature  il  y  aura  tousiours  quelque  rebellion.  Or  la  dessus  il  est  dit  que  l'Ange  s'est  escrie  du  ciel  a  Abraham,  et  luy  a  deffendu  d'attoucher  a  l'enfant.  Et  pourquoy?  I'ay  cognu,  dit-il,  que  tu  m'aimes,  d'autant  que  tu  n'as  point  espargne  ton  fils  unique  a  cause  de  moy.  Ici  Dieu  declaire  quand  il  a  commande  a  Abraham  de  tuer  son  fils,  que  ce  n'a  pas  este  qu'il  fust  repugnant  a  soy-mesme,  veu  qu'il  luy  avoit  donne  Isaac:  qu'il  ne  vouloit  pas  que  sa  promesse  perist  et  fust  abolie,  mais  seulement  qu'il  a  voulu  esprouver  sa  foy.  Voici  donc,  le  premier  poinct  que  nous  avons  a  retenir,  c'est  que  Dieu  monstre  ici  son  intention,  et  a  quelle  fin  il  a  voulu  qu'Isaac  luy  fust  offert  en  sacrifice.  Ce  n'est  pas  que  de  faict  il  l'appellast  a  la  mort,  mais  il  vouloit  examiner  la  constance  d'Abraham  :  comme  nous  avons  veu  aussi  au  premier  verset  de  ce  chapitre.  Que  Dieu  a  tente  Abraham  plus  que  iamais.  Or  ce  point-ci  nous  est  bien  utile,  car  c'estoit  pour  troubler  et  Abraham,  et  tout  )e  monde:  de  dire  que  Dieu  se  fust  ainsi  contrarie,  comme  l'apparence  y  estoit.  Et  de  fait,  il  a  bien  fallu  (comme  nous  avons  monstre)  qu'Abraham  prist