8:770  on  ne  les  puisse  punir  ea  beaucoub  daultres  sortes,  et  que  maintenant  on  nest  pas  soubz  la  loy  et  que  les  seigneurs  peulvent  maintenant  faire  et  iuger  comment  il  leur  plaist  selon  quilz  trouveront  iuste.  ^  1  .  Sus  le  21.  respond  quil  ne  pense  pas  que  sa  doctrine  soit  pernisieuse,  ny  favorisante  ny  aux  Iuifz  ny  aux  Turcs,  et  que  de  lalcoran  il  la  bien  veu,  et  quil  est  imprime  a  Basle  et  quil  est  bien  permys  de  le  lire  et  quil  y  a  des  epistres  des  ministres  de  leglise  de  Zurich.  Et  quil  ne  la  pas  leu  a  lintention  de  nuyre  aulcunement  a  la  foy  Chrestienne,  mais  plustost  pour  luy  ayder.  22.  Sus  le  22.  respond  que  ouy  et  la  confesse,  23.  Sus  les  23.  respond  quil  ne  scait  point  que  sabellius,  Manicheus,  ny  nestorius  ayent  tenuz  les  opinions  qu'il  tient.  24.  Sus  le  24.  respond  quil  a  leu  le  livre  de  Epiphanius  et  Ireneus  lesquelz  recitent  et  reprenent  beaucoub  dheresies,  lesquelles  il,  servetus,  dict  quil  reprove  aussi,  et  que  son  livre  faict  mention  expresse  contre  eulx.  25.  Sus  le  vingt  cinq  respond  quil  ne  conferat  iamays  de  ces  questions  ny  parlit  que  avec  Oecolampade,  Bucere  et  Capito.  Et  que  en  france  il  nen  a  onques  parle  a  homme  et  que  aussi  il  ne  lheust  hoste.*)  26.  Sus  le  vingt  six  respond  que  luy  pensoit  suyvre  les  premiers  et  anciens  docteurs  de  leglise  quil  a  desia  nommez,  et  quil  navoit  point  este  venu  iamais  a  sa  notice  que  Oecolampade  heust  iamais  rien  dict  contre  luy,  car  du  commencement  luy  sembloit  quil  estoit  de  son  opinion,  et  combien  que  Melanchton  aye  escript  quelque  chose  contre  lediet  Servet,  sez  raisons  ne  semblent  pas  estre  suffisantes,  27.  Sus  le  vingt  sept  respond  quil  ny  cognoit  homme  du  monde,  car  il  na  communique  a  personne.  28.  Sus  le  vingt  huit  respond  quil  nestoit  venu  pour  passer  de  la  les  montz  et  non  point  pour  demorer  icy,  et  sen  aller  au  royaulme  de  naples  la  ou  sont  les  Espagnolz,  et  vivre  avec  eulx  de  son  art  de  medicine.  Et  que  expressement  pour  ce  fair  il  sestoit  venu  loger  a  la  Hose,  et  quil  en  avoit  ia  parle  a  lhoste  et  a  lhostesse  pour  trouver  une  barque  pour  aller  tant  hault  par  le  lac  quil  pourroit  pour  trouver  le  chemin  de  Zurich.  Et  quil  se  tenoit  cache  en  ceste  ville  tant  quil  pouvoit,  affin  sen  pouvoir  aller  sans  estre  cogneu.  29.  Sus  le  vingt  neuf  respond  que  non,  et  quil  na  communique  a  personne  du  monde  et  na  cognoist  personne  du  monde.  '  1)  Trechsel  ose.