23:770  Dieu,  si  faut-il  neantmoins  qu'en  la  fin  ils  facent  leur  conclusion  de  se  submettre  et  assuiettir  a  la  volonte  de  Dieu:  et  que  leurs  passions  qui  sont  contraires  ne  ies  empeschent  point  de  luy  estre  tellement  suiets,  que  ce  soit  de  leur  bon  gre  qu'ils  se  remettent  a  luy  et  en  la  vie  et  en  la  mort.  Exemple.  Voila  nostre  Seigneur  Iesus  Christ  qui  dit  a  sainct  Pierre:  Quand  tu  seras  vieil,  on  te  menera  la  ou  tu  ne  voudras  point.  Or  il  est  certain  que  quand  sainct  Pierre  a  endure  pour  l'Evangile,  ce  n'a  pas  este  comme  un  forcaire  ne  qu'il  ait  grince  les  dents:  c'a  este  de  son  bon  gre,  et  a  offert  a  Dieu  un  sacrifice  volontaire.  Et  toutesfois  nostre  Seigneur  Iesus  Christ  dit  qu'il  ne  le  voudra  point.  Voila  comme  il  faut  qu'il  y  ait  double  vouloir  aux  fideles:  et  ce  ne  sont  pas  choses  incompatibles.  De  nostre  nature  nous  serons  tousiours  incitez  a  nous  rebequer  a  lencontre  de  Dieu.  Voila  un  vouloir  qui  est  mauvais.  Or  il  faut  qu'il  soit  dompte,  et  que  nous  ayons  un  autre  vouloir  qui  surmonte,  et  que  nous  aimions  mieux  mourir  pour  nous  conformer  a  la  volonte  de  Dieu,  que  de  vivre  et  cependant  de  reietter  son  ioug.  Voila  donc,  ce  que  nous  avons  encores  a  retenir  sur  ce  qui  est  dit,  qu'Isaac  a  marche  ensemble  avec  son  pere,  et  ont  passe  plus  outre.  PRIERE.  Or  nous  nous  prosternerons  devant  la  maieste  [pag.  278]  de  nostre  bon  Dieu  en  cognoissance  de  nos  fautes,  le  priant  qu'il  nous  en  vueille  tellement  toucher  que  ce  soit  pour  les  hair,  pour  nous  en  despouiller  et  y  renoncer.  Et  que  cependant  il  nous  supporte  tellement  en  nos  foiblesses,  qu'il  ne  laisse  pas  d'avoir  nostre  service  agreable,  encores  qu'il  soit  imparfait,  et  qu'il  y  ait  beaucoup  de  choses  qui  pourroyent  estre  a  bon  droit  reprouvees  de  luy.  Et  au  reste,  que  nous  apprenions  de  nous  remettre  tellement  a  sa  conduite,  que  nous  n'ayons  pas  les  yeux  trop  esveillez  pour  voir  plus  qu'il  ne  nous  est  licite:  mais  que  nous  attendions  qu'il  donnera  tousiours  bonne  issue  a  nos  voyes,  moyennant  que  nous  ne  cerchions  sinon  de  suivre  la  ou  il  nous  appele,  et  que  nous  tendions  touiours  au  but  lequel  il  nous  a  propose.  Que  non  seulement  etc.  [pag.  279].  LE  TROISIEME  SERMON,  DU  MARDI  ONZIEME  IOUR  DE  IUIN,  MILLE  CINQ  CENS  SOIXANTE.  En  Genese  au  chapitre  vingt  deuxieme.  lis  viennent  done  au  lieu  duquel  le  Seigneur  luy  avoit  dit.  Et  Abraham  dressa  un  autel  en  la  mon-  49