9:77  77  CONTRA  WESTPHALUM.  78  eius,  vel  erit  descensus,  quam  fallax  et  inane  spectrum?  Et  si  tam  propinquus  nobis  est  secundum  corpus,  nonne  praeposterum  [pag.  71]  fuit  coelos  aperiri,  ut  eum  Stephanus  in  gloria  sua  sedentem  conspiceret  (Act.  7,  56)?  Scio  quid  cavillari  soleant,  coelorum  nomine  nihil  quam  immensam  gloriam  notari.  Verum  si  consulto  sublatus  est  a  terra,  et  nubes  interposita  fuit,  ut  se  piae  mentes  sursum  attollant,  perperam  invisibilis  habitatio  obtruditur,  quae  fidei  assensum  reflectens  subsidere  nos  in  terra  cogat.  Quare  iudicium,  quod  ecclesiae  nomine  eructat  Westphalus,  ei  resorbendum  est,  deviare  a  recta  fide,  qui  Christum  corpore  in  coena  praesentem  esse  non  concedunt.  Nemo  enim  sanae  mentis  ut  iudicis  solio  nihili  hominem  imponat,  Augustinum  ab  ecclesia  eiiciet.  Atqui  nobiscum  ille  clare  affirmat*)  secundum  praesentiam  maiestatis  Christum  semper  fidelibus  adesse  :  secundum  praesentiam  carnis,  recte  discipulis  esse  dictum  :  Me  non  semper  habebitis.  Ac  ne  in  voce  carnis  effugium  frustra  captetur,  sensum  suum  fusius  exponit,  quod  corpus  crucifixum  in  coelos  sustulerit,  ideoque  inter  nos  non  versetur.  Obiicit  rursum  Westphalus,  ecclesiam,  verbum  et  sacramenta  a  spiritu  Christi  in  nobis  habitantis  nos  separare.  Discedat  igitur  ipse  ab  ecclesia,  [pag.  72]  cuius  fidem  verbis  meis  profitetur.  Coenam  plus  centies  dixi  sacrum  esse  vinculum  nostrae  cum  Christo  unitatis.  Palam  in  defensione  Consensus  assero,  efficaciter  hoc  organo  Christum  uti,  ut  in  nobis  habitet.  Verba  mea,  quibus  ecclesiae  fidem  exponat,  dum  mutuatur  Westphalus,  saltem  in  ea  mihi  locum  aliquem  tribuit.  Quod  igitur  novum  sibi  asylum2)  quaeret?  Nam  quod  assuit  commentum  de  crassa  corporis  participatione,  quotusquisque  ei  concedet?  Fatemur  quidem  et  nos,  quicunque  carnis  Christi  participationem  respuunt,  eius  spiritum  a  se  ipsis  arcere.  In  eo  tantum  quaestio  nobis  vertitur,  carnalisne  sit  spiritus  participatio?  Porro  in  quarto  capite  aperte  prodit  Westphalus,  nullam  se  nisi  carnalem  carnis  praesentiam  agnoscere.  Facessant  tantum  convicia,  quibus  causam  obruere  conatur.  Initio  vocor  sacramentarius,  dicor  infamare  eos,  qui  dispensari  in  sacra  coena  fatentur  veram  Christi  carnem.  Quasi  vero  non  ubique  disertis  verbis  asseram,  ex  vera  Christi  carne  nobis  alimentum  in  coena  porrigi.  Quid  ergo  iuvat  mendaciorum  nebulis  obducere  claram  lucem,  quae  totius  causae  nodum  explicat?  Carnem  [pag.  73]  Christi  nobis  edendam  proponi  si  quis  sincere  et  luculente  tradit,  ego  unus  sum  ex  numero:  modum  tantum  definio,  quod  spiritus  sui  virtute  Christus  locorum  distantiam  superet,  ad  vitam  nobis  e  sua  1)  In  Ioannem  tractatu  50.  2)  retraitte  pour  estre  en  franchise.