8:77  77  DE  SCANDALIS.  78  sibi  vendicant.  At  boni  papistae  (quae  est  ipsorum  ingenuitas)  solum  illud  corruptius  saeculum,  quod  multum  a  prisca  sinceritate  iam  deflexerat,  memoria  celebrant.  Atque  huc  tandem  redeunt  omnes  illorum  querimoniae,  receptam  per  octingentos  vel  mille  annos  consuetudinem  hodie  a  nobis  convelli.  Atqui,  si  veteri  proverbio  creditur,  quod  etiam  [pag.  100]  inter  eos  tritum  fuit,  nihil  aliud  est  mala  consuetudo  quam  erroris  vetustas.  Quo  autem  diuturnius  est  malum,  magis  exitiale  esse  scimus.  Plausibilis  olim  erat  illa  Cypriani  sententia:  Non  spectandum  quid  ante  nos  alii  fecerint  aut  dixerint,  sed  quod  mandavit  Christus,  qui  primus  omnium  est,  sequendum  esse.  Illud  quoque  pulchre  ab  Augustino  ac  scite  dictum  nemo  negabat:  Christum  non  sibi  consuetudinis  nomen,  sed  veritatis  tribuere.  Nunc  corrupti  moris  camarinam,  quae  per  longam  annorum  seriem  quievit,  nemo  vel  leviter  movere  audet.  Imo  usque  adeo  invaluit  praefractum  in  tuendis  summis  absurditatibus  rigor,  ut  earum  reprehensionem,  quasi  intempestivam,  non  respuant  modo,  sed  crudeliter  igni  et  ferro  vindicent.  Dicit  ille  homo  ethnicus:  Sicut  recte  loquendi  a  doctis,  ita  et  vivendi  a  bonis  ac  probis  petendam  esse  consuetudinem.  Nos,  qui  directorem  habemus  Christum,  prava  et  corrupta  hominum  institutio,  absque  iudicio  et  delectu,  velut  tempestas  quaedam  violenta  abripiet?  Ut  locum  hunc  breviter  concludam:  si  inter  nos  valeat,  quod  extra  controversiam  inter  pios  esse  debet  axioma,  non  subiici  annorum  praescriptioni  Christi  doctrinam:  neminem  fictum  istud  scandalum  ab  inquirendi  saltem  studio  impediet.  Ubi  autem  constiterit,  a  Christo  nos  habere  quod  proferimus:  quis  tam  erit  praeposterus,  ut  ab  aeterna  Dei  sapientia  et  coelestis  magistri  voce  sponte  ad  homines  concedat?  Plerosque  offendit,  quod  totum  fere  mundum  nobis  adversum  esse  vident.  Nec  vero  sibi  desunt  malae  causae  patroni,  quin  rudes  et  infirmos  eiusmodi  machina  percellant:3)  valde  absurdum  esse,  ut  paucis  hominibus  habeatur  fides,  totum  fere  christianum  orbem  negligi.  Praecipue  autem  ad  nos  proterendos  sacro  ecclesiae  titulo  quasi  malleo  se  muniunt,  [pag.  101]  Sed  velim  scire,  qui  nostra  paucitate  alienantur  ab  evangelio,  quomodo  fidem  suam  adversus  Turcas  sustineant.  Quantum  ad  nos  attinet,  si  unus  Noah  cunctos  sacculi  sui  homines  fide  sua  damnavit,  non  est  quod  magna  incredulorum  turba  nos  de  gradu  moveat.  Interea  non  modo  parum  probabilem,  sed  iniustam  et  pudendam  scandali  causam  esse  dico,  ubi  Dei  verbo  hominum  respectus  praeponderat.  Quid  enim?  An  nisi  hominibus  credere  libuerit,  non  stabit  Dei  veritas?  Quin  1)  Et  puis  les  caffards  et  autres  ennemis  de  verite  n'ont  garde  de  faillir  qu'ils  ne  soyent  comme  soufflets  pour  allumer  le  feu.