7:77  77  CONTRE  LES  ANABAPTISTES.  78  quelle  il  n'y  eust  que  redire.  Pourtant  se  sont  separe  de  toute  la  Chrestiente,  pour  n'estre  point  souilles  par  les  imperfections  des  autres.  Mais  qu'en  est  il  advenu?  Nostre  Seigneur  les  a  tous  confonduz  avec  leur  entreprinse  tant  presumptueuse.  Que  cela  donc  nous  soit  un  advertissement,  que  quand  soubz  umbre  de  zele  de  perfection  nous  ne  pouvons  porter  nulle  imperfection,  tant  au  corps  qu'aux  membres  de  l'Eglise,  que  c'est  le  diable  qui  nous  enfle  d'orgueil,  et  nous  seduit  par  hypocrisie,  pour  nous  faire  abandonner  le  trouppeau  de  Iesus  Christ,  sachant  bien  qu'il  a  tout  gaigne  quand  il  nous  en  a  retire.  Car  d'autant  qu'il  n'y  a  ni  remission  des  peches,  ni  salut  ailleurs  (Act.  4,  12),  quand  nous  aurions  au  reste  une  apparence  de  sainctete  plus  qu'Angelique,  si  par  une  telle  presumption  [page  58]  nous  venons  a  nous  separer  d'une  compagnie  Chrestienne,  nous  sommes  faictz  Diables.  Leur  troisiesme  article  est  de  la  reception  de  la  Cene;  en  quoy  ilz  ne  disent  rien  que  nous  ne  leur  accordions:  comme  aussi  nous  lo  prechons  tous  les  iours.  C'est  que  nul  ne  s'ose  approcher  de  cette  saincte  Table,  qui  ne  soit  vrayement  du  corps  de  Iesus  Christ,  adorant  un  Dieu  avec  tous  fideles,  et  le  servant  en  vocation  bonne  et  legitime.  Mais  quand  ce  vient  a  faire  declaration  au  quatriesme  article,  comment  l'homme  se  doit  separer  de  toutes  pollutions  de  ce  monde,  pour  s'adioindre  a  Dieu,  en  cela  ilz  recommencent  a  tout  depraver.  Combien  que  du  commencement  encor  ilz  ont  d'assez  bons  propoz:  comme  en  condamnant  les  superstitions  Papales,  et  defendant  a  tous  Chrestiens  de  s'y  mesler.  Mais  en  la  queue  gist  le  venin,  comme  dit  le  proverbe.  Car  finalement  ilz  concluent  que  tout  usage  d'armes  est  chose  Diabolique.  Or  il  est  vray  qu'en  particulier  l'usage  du  glaive  ne  doit  estre  permis  a  nul,  pour  faire  resistence  au  mal.  Car  les  armes  des  Chrestiens  sont  prieres  et  mansuetudo,  pour  posseder  leurs  vies  en  patience,  et  vaincre  le  mal  en  bien  faisant,  selon  la  doctrine  de  l'Evangile  (Luc  21,  19;  Rom.  12,  21).  [page  59]  L'office  donc  d'un  chacun  de  nous  est  de  souffrir  patiemment  si  on  nous  fait  quelque  outrage,  plustost  que  d'user  de  force  et  violence.  Mais  de  condamner  le  glaive  public,  lequel  Dieu  a  ordonne  pour  nostre  protection,  c'est  un  blaspheme  contre  Dieu  mesme.  Voila  l'Esprit  de  Dieu  qui  prononce  par  sainct  Paul  (Rom.  13,  4),  que  le  Magistrat  est  ministre  de  Dieu  a  nostre  projit  et  en  nostre  faveur,  pour  reprimer  et  empescher  la  violence  des  meschans.  Et  que  pour  ceste  cause  le  glaive  luy  est  donne  en  main  a,  fin  do  punir  les  malefices.  Puis  que  Dieu  luy  ordonne  de  ce  faire,  qui  sommes  nous  pour  l'empescher?  Semblablement,  puis