58:77  77  DE  IACOB  ET  ESAU.  78  ventre,  tu  mesprises  l'arrest  que  Dieu  a  donne  quand  a  toy  et  a  moy:  or  si  faut-il  que  ce  que  Dieu  a  decrete  tiene,  il  est  irrevocable.  De  moy,  ie  demeure  tousiours  en  ceste  esperance,  que  i'obtiendray  ce  qui  m'a  este  promis:  mais  de  ton  coste,  c'est  afin  que  tu  entendes  que  ie  prise  plus  le  service  de  Dieu  que  ma  propre  vie:  et  pourtant,  que  tu  me  vendes  ta  primogeniture.  Nous  voions  en  somme,  que  Iacob  ne  veut  point  ici  acquerir  par  fraude  ne  par  malice  le  bien  d'autruy,  ne  forcer  aussi  son  frere  a  se  despouiller  du  bien  qui  lui  appartient:  mais  il  demande  que  ce  que  Dieu  lui  a  donne,  soit  approuve  du  coste  des  hommes.  Voila  donc  la  somme  de  ce  qui  est  ici  dit.  Et  pourtant  ceux  qui  voudroient  user  de  trop  grande  rigueur,  pour  arracher  la  substance  d'autruy,  et  pour  s'enrichir  au  dommage  de  leurs  prochains,  n'ont  dequoy  faire  bouclier  ici:  comme  nous  en  verrons  beaucoup,  lesquels  espieront  mesmes  les  occasions,  que  si  un  povre  homme  est  en  necessite  extreme,  le  voila  en  proye,  il  faut  qu'il  soit  vole:  car  alors  on  barguignera  avec  lui,  d'autant  qu'on  void,  O,  il  faut  qu'il  passe  par  mes  mains,  diront  ceux  qui  ne  vivent  que  de  rapines,  comme  des  oiseaux  de  proye.  Voila  donc  un  povre  homme,  qui  aura  un  champ,  ou  un  pre  :  s'il  est  endette,  et  qu'il  lui  faille  trouver  argent  pour  payer,  s'il  vient  a  quelque  usurier,  il  lui  dira,  Voila,  il  n'y  a  point  de  remede,  il  faut  que  ie  vous  vende  une  telle  piece.  O,  ie  n'ay  point  d'argent  pour  le  present:  et  cependant  il  aura  garde  son  argent  en  sa  bourse,  attendant  ceste  occasion-,  qui  est  comme  une  volerie,  d'autant  qu'il  cerchoit  le  moien  de  frauder  son  prochain.  On  void  cela  communement,  que  celui  qui  sera  presse  de  disette,  il  sera  mange  iusques  aux  os  de  ceux  qui  ont  le  moien  de  secourir  a  ceux  qui  sont  en  necessite.  Or  si  telles  gens  (comme  i'ay  dit)  veulent  prendre  couverture  de  leur  iniquite,  en  la  personne  de  Iacob,  c'est  une  chose  trop  frivole,  car  Iacob  n'a  point  attire  le  bien  a  soy,  il  n'a  point  cerche  de  s'estendre  pour  amoindrir  son  frere:  mais  il  est  demeure  en  possession  de  ce  que  Dieu  lui  avoit  donne.  La  primogeniture  estoit  desia  siene,  non  point  selon  l'ordre  de  nature,  mais  d'autant  qu'il  a  ainsi  pleu  a  Dieu.  D'autant  donc  qu'il  ne  fraude  personne,  qu'il  ne  fait  tort  a  nul,  qu'il  n'use  d'aucune  rigueur  ni  exces,  pour  attirer  le  bien  d'autruy  a.  soy,  il  ne  faut  point  qu'on  le  prene  pour  exemple  et  patron  de  ces  voleries  qui  s'exercent  communement  entre  les  hommes.  Et  puis  il  est  question  ici  du  bien  spirituel,  Iacob  ne  cerche  point  de  richesses,  il  ne  cerche  point  ses  commoditez  ne  quelque  honneur  terrien,  pour  s'eslever  par  dessus  son  frere  :  il  quitte  tout  cela,  ce  lui  est  tout  un:  mais  il  veut  avoir  ce  que  Dieu  lui  a  promis,  c'est  que  s'il  est  petit  en  ce  monde,  s'il  est  afflige  et  tormente,  qu'on  le  gourmande,  et  qu'on