54:77  77  SUR  LA  SECONDE  A  TIMOTHEE.  78  SEPTIEME  SERMON.  Chap.  I,  v.  15.18.  Nous  avons  veu  ce  matin  l'exhortation  que  S.  Paul  faisoit  a  Timothee,  de  garder  ce  depost  excellent  qui  luy  estoit  commis.  Or  maintenant  il  adiouste  un  advertissement  pour  monstrer  que  Timothee  avoit  besoin  de  se  tenir  sur  ses  gardes,  et  de  veiller,  afin  que  ce  thresor  ne  luy  fust  point  oste.  Il  luy  dit,  Que  ceux  S!Asie,  qui  se  nommoyent  auparavant  chrestiens  et  fideles,  s*estoyent  destournez  de  luy:  et  notamment  il  en  marque  deux  comme  les  plus  cognus,  Fhygele  et  Hermogene.  Voila  un  scandale  qui  pouvoit  troubler  les  plus  constans.  Car  si  on  voit  un  homme  se  revolter  de  l'Evangile,  chacun  pensera  a  soy,  et  nous  semble  que  le  semblable  nous  doyve  advenir.  Or  il  n'est  point  ici  question  de  deux  ou  trois  seulement,  mais  sainct  Paul  dit  que  tous  ceux  d'Asie  l'avoyent  quitte.  Voila  une  region  fort  ample  qui  a  este  acquise  a  nostre  Seigneur  Iesus  Christ  par  le  labeur  de  sainct  Paul,  il  semble  que  l'Evangile  doyve  la  triompher  par  tout,  il  y  a  des  villes  grosses  et  opulentes,  il  y  a  gens  de  renom.  Or  tout  y  est  abbatu:  combien  qu'ils  facent  semblant  de  persister  en  la  foy,  si  est-ce  qu'en  reiettant  sainct  Paul  ils  reiettant  Iesus  Christ.  Voila  donc  une  horrible  desolation.  Quel  scandale  pouvoit-il  advenir  a  ceux  qui  n'estoyent  pas  trop  fermes?  Or  tant  y  a  que  sainct  Paul  recite  ceci,  monstrant  que  pour  cela  il  n'est  point  descourage,  mais  qu'il  poursuit  son  train,  d'autant  que  sa  foy  ne  dependoit  point  des  hommes,  mais  qu'il  estoit  fonde  en  Dieu.  Et  recite  notamment  ceci,  afin  que  Timothee  se  conferme  en  une  telle  constance  et  fermete.  Combien  qu'il  n'a  point  tant  d'esgard  a  l'homme  auquel  il  escrit,  qu'a.  toute  l'Eglise,  comme  il  a  este  dit  par  ci  devant.  En  somme,  nous  voyons  l'intention  de  sainct  Paul:  c'est  qu'il  veut  munir  les  fideles,  afin  qu'ils  ne  soyent  abbatus  outre  mesure,  quand  ils  oyent  parler  que  ce  qui  estoit  d'Evangile  au  pays  d'Asie,  est  comme  aneanti:  mais  qu'ils  cognoissent,  quand  tout  le  monde  seroit  destourne,  qu'il  nous  faut  persister  en  la  doctrine  de  Dieu,  et  ne  point  varier.  Or  ceste  admonition  nous  doit  bien  auiourd'huy  servir.  I'ay  desia  touche  combien  nous  sommes  delicats.  Quand  il  y  aura  un  seul  homme  qui  aura  tourne  bride,  il  semble  que  nous  cerchions  telles  occasions  pour  nous  desbaucher:  et  nous  les  embrassons  par  trop  a  la  verite.  Car  on  voit  que  si  tost  qu'elles  se  presentent,  chacun  en  scait  faire  son  profit:  comme  si  nous  avions  beaucoup  gagne  de  nous  livrer  aux  mains  de  Satan,  pour  dire,  Puis  que  tu  es  venu  a  bout  de  cestuy-la,  il  faut  que  tu