51:77  77  SUR  L'EPITRE  AUX  GALATES.  78  neantmoins  c'est  auiourd'huy  l'excuse  commune  (comme  i'ay  desia  touche),  mais  elle  ne  laisse  pas  d'estre  frivole.  Quand  on  demandera  pourquoy  les  Papistes  sont  ainsi  hebetez,  et  quoy  qu'on  leur  remonstre  qu'ils  n'escoutent  nulle  raison,  et  qu'elle  ne  leur  est  rien?  C'est  pour  ce  qu'ils  se  iugent  par  comparaison,  en  disant,  O  tout  le  monde  fait  ainsi.  Bref,  il  leur  semble  que  Dieu  est  forclos  de  toute  liberte,  quand  le  monde  se  gouvernera  d'une  autre  facon  qu'il  n'a  commande  par  sa  parole.  Or  ils  ont  beau  proposer  et  mettre  en  avant  tels  exemples:  car  ils  ne  pourront  porter  preiudice  a  Dieu,  que  tousiours  ils  ne  condamne  ceux  qui  ont  failli,  quand  il  y  auroit  une  centaine  de  mondes,  si  faudra-il  que  tous  soyent  abysmez  devant  luy,  voire  si  on  y  vient  avec  arrogance  pour  dire,  Nous  faisons  ainsi.  Et  qui  estes  vous?  Voila  donc  en  somme  de  quoy  ce  passage  nous  doit  servir  et  profiter,  quand  sainct  Paul  veut  qu'un  chacun  examine  son  oeuvre.  Or  notamment  il  dit  son  oeuvre,  pour  nous  amener  en  consideration  de  toute  nostre  vie:  car  il  n'entend  pas  que  nous  prenions  seulement  une  partie  en  laissant  l'autre,  mais  que  selon  que  Dieu  a  tout  escrit  en  son  registre,  que  de  nostre  part  nous  espluchions  bien  par  le  menu  en  quoy  nous  pouvons  avoir  failli,  quels  vices  et  infirmitez  il  y  a  en  nous.  Voila  ce  que  sainct  Paul  a  entendu  par  ce  mot  d'Oeuvre.  Car  il  pourra  advenir  tous  les  coups  qu'en  un  poinct  nous  aurons  servi  fidelement  a  Dieu:  mais  (quoy  qu'il  en  soit)  encores  y  a-il  de  l'infirmite.  Et  puis  nous  sommes  esbahis  de  voir  tant  d'imperfections  desquelles  nous  sommes  coulpables,  qu'il  faudra  que  nous  ayons  horreur  de  nous  mesmes.  Apprenons  donc  de  bien  examiner  nostre  vie,  devant  que  iuger  des  autres:  car  nous  ne  faisons  qu'augmenter  nostre  condamnation  devant  Dieu,  estans  ainsi  aspres  et  severes  contre  ceux  qui  ont  failli,  et  oubliant  nos  pechez,  d'autant  que  Dieu  nous  fait  cest  honneur  qu'il  veut  qu'un  chacun  de  nous  soit  son  iuge.  Or  quant  a  ce  que  sainct  Paul  dit  que  chacun  aura  louange  en  soy  seulement,  ce  n'est  pas  a  dire  que  tous  ceux  qui  s'examinent  trouvent  en  eux  de  quoy  se  priser:  mais  c'est  pour  declarer  que  la  vraye  louange  est  celle  qui  a  quelque  fermete  en  soy,  c'est  qu'un  chacun  se  cognoisse  tel  qu'il  est,  et  qu'on  se  iuge  sans  comparaison.  Exemple.  On  dit  tousiours  que  un  borgne  verra  clair  entre  les  aveugles:  et  entre  les  Maures  qui  sont  noirs,  celuy  qui  sera  fort  brun  semblera  blanc.  Si  on  veut  iuger  d'un  homme  blanc,  quand  il  sera  en  la  compagnie  d'une  douzaine  de  Maures,  ce  ne  sera  pas  blancheur  que  cela:  car  quand  on  le  ramenera  au  rang  commun,  on  trouvera  qu'il  est  bien  autre  que  on  en  iugeoit.  Si  on  dit,  voila  un  homme  qui  void  bien  clair,  et  ce-