50:77  77  CAPUT  VI.  78  Christi  servis  agnoscant,  qui  se  aliter  gerunt  atque  hic  suo  exemplo  praescribit.  Finis  est  ut  sibi  et  sui  similibus  autoritatem  conciliet  in  Dei  gloriam  et  bonum  ecclesiae,  vel  collapsam  restituat.  Secundo,  ut  Corinthios  revocet  a  praepostero  studio  pseudoapostolorum,  quod  illis  impedimento  erat  ne  in  evangelio  proficerent  quantum  fuisset  opus.  Offensionem  dant  ministri,  qui  suo  vitio  retardant  in  auditoribus  evangelii  progressum.  Id  se  facere  negat  Paulus.  Testatur  enim  se  cavere  diligenter  ne  qua  ignominiae  macula  adspergat  suum  apostolatum.  Hic  enim  est  astus  Satanae,  quaerere  aliquid  vitii  in  ministris,  quod  in  evangelii  infamiam  redundet.  Nam  ubi  consequutus  est  ut  vilescat  ministerium,  periit  spes  omnis  profectus.  Ergo  qui  utiliter  servire  Christo  volet,  omni  studio  incumbat  ad  retinendum  ministerii  sui  honorem.  Modus  est,  curare  ut  sit  honore  dignus.  Nihil  enim  magis  ridiculum  quam  de  tua  apud  alios  existimatione  vendicanda  contendere,  quum  ipse  tibi  flagitiosa  ac  turpi  vita  contumeliam  accersas.  Erit  ergo  is  demum  honorabilis,  qui  nihil  indignum  admittet  Christi  ministro.  4.  In  patientia  multa.  Huc  spectat  tota  enumeratio,  quae  sequitur  :  omnia  experimenta,  quibus  probare  solet  Dominus  suos  ministros,  in  Paulum  competere  :  nullumque  esse  probationis  genus,  quo  non  fuerit  examinatus,  quo  testatior  esset  fides  sui  ministerii.  Caeterum  quaedam  recenset,  quae  perpetuo  requiruntur  ab  omnibus  Christi  servis:  cuiusmodi  sunt  labores,  sinceritas,  scientia,  vigiliae,  mansuetudo,  caritas,  sermo  veritatis,  spiritus,  potentia  Dei,  arma  iustitiae.  Alia  autem,  quorum  necessitas  non  est  perpetua.  Neque  enim  ut  sit  quispiam  servus  Christi,  necesse  erit,  plagis  et  carceribus  fuisse  exploratum.  Poterunt  igitur  interdum  ab  optimis  haec  abesse.  Omnium  tamen  est,  ita  esse  animis  affectos,  ut  si  Domino  placuerit,  plagis  etiam  et  carceribus  cum  Paulo  se  probandos  offerant.  Patientia  est  moderatio  animi  in  rebus  adversis,  quae  est  perpetua  virtus  boni  ministri.  Afflictiones  latius  patent  quam  n  e  c  e  s  s  i  t  a  t  e  s  :  siquidem  necessitatis  nomine  hic  inopiam  accipio.  Haec  porro  multis  ministris  est  communis,  quod  pauci  sunt  qui  non  egeant:  non  tamen  omnibus.  Cur  enim  obstarent  mediocres  divitiae  ne  Christi  servus  habeatur,  qui  alioqui  pius  est,  recto  animo,  honesta  vita,  aliisque  virtutibus  excellit?  Quemadmodum  qui  pauper  est,  non  ideo  protinus  bonus  est  minister:  ita  qui  dives  est,  non  propterea  est  repudiandus.  Imo  alibi  (Philip.  4,  12)  non  minus  gloriatur  Paulus  quod  noverit  abundare  quam  quod  noverit  esurire.  Ergo  adhibenda  est  illa  distinctio,  quam  dixi,  inter  temporales  et  perpetuas  laudes.  5.  In  seditionibus.  Quo  placidius  erat  ac  mansuetius  Pauli  ingenium,  eo  maior  virtus,  stare  intrepidum  adversus  seditiones.  Atque  id  etiam  sibi