45:77  77  LUC.  IL  78  dicere  in  hominibus  esse  pacem.  Sed  quum  multis  scripturae  locis  supervacua  sit,  non  est  cur  id  nos  impediat.  Si  quis  tamen  in  postremum  membrum  reiicere  malit,  idem  manebit  sensus,  sicuti  mox  dicam.  Nunc  ridendum  est,  quid  pacis  nomine  intelligant  angeli.  Certe  non  loquuntur  de  externa  pace,  quam  inter  se  colunt  homines,  sed  terram  dicunt  pacatam  esse,  ubi  homines  Deo  reconciliati  intus  tranquilli  sunt  in  animis  suis.  Scimus  nos  irae  filios  nasci,  et  natura  esse  Deo  inimicos:  interea  nos  horribili  inquietudine  vexari  necesse  est,  quamdiu  sentimus  Deum  nobis  infensum.  Ideo  brevis  et  clara  pacis  definitio  ex  contrariis  petenda  est:  nempe  ex  ira  Dei  et  mortis  terrore.  Atque  ita  duplex  est  relatio.  Altera  scilicet  ad  Deum,  altera  ad  homines,  quia  tunc  nobis  constat  pax  cum  Deo,  quum  ipse  abolito  reatu  et  peccata  nobis  non  imputando  propitius  esse  incipit,  et  nos  in  paterna  eius  benevolentia  acquiescentes  certa  fiducia  illum  invocamus,  et  intrepide  gloriamur  de  salute  nobis  promissa.  Quamvis  autem  alibi  (Iob  7,1)  vita  hominis  super  terram  vocetur  continua  militia,  et  res  ipsa  declarat,  nihil  esse  magis  turbulentum  statii  nostro,  quamdiu  in  mundo  agimus,  diserte  tamen  angeli  pacem  in  terra  locant,  ut  sciamus,  nullas  turbas  nobis  obstare,  quin  freti  Christi  gratia  sedatis  et  tranquillis  simus  mentibus.  Meminerimus  ergo,  inter  medias  tentationum  procellas,  inter  varia  discrimina,  inter  violentos  motus,  inter  pugnas  et  timores  constitui  sedem  pacis,  ne  fides  nostra  ullis  machinis  impulsa  vacillet  aut  labascat.  Beneplacitum  hominibus.  Unde  factum  sit,  ut  obreperet  genitivus  casus,  nescio.  Certe  lectio  vulgata  quae  habet,  hominibus  bonae  voluntatis,  non  modo  tanquam  adulterina  repudiari  debet,  sed  quia  totum  sensum  corrumpit  Errant  tamen  etiam  nonnulli,  qui  in  nominativo  casu  legentes,  Bona  voluntas,  ad  homines  referunt,  quasi  exhortatio  esset  ad  amplexandam  Dei  gratiam.  Fateor  quidem,  non  aliter  ratam  esse,  quam  Dominus  pacem  nobis  offert,  nisi  eam  recipimus,  sed  quum  eoSoxca  passim  sumatur  in  scripturis  pro  eo,  quod  Hebraei  |1H1  dicunt,  vetus  interpres  beneplacitum  reddidit.  Perperam  hic  locus  de  gratiae  acceptatione  exponitur:  quin  potius  fontem  pacis,  de  quo  loquuti  sunt  angeli,  demonstrat,  ut  sciamus,  gratuitam  esse  et  fluere  ex  mera  Dei  misericordia.  Si  legere  placeat,  Bona  voluntas  in  hominibus,  non  male  conveniet  quoad  sensum:  nam  et  hoc  modo  notabitur  pacis  causa,  quod  scilicet  Deus  gratuito  suo  favore  homines  dignatus  sit,  cum  quibus  hostile  prius  dissidium  habebat.  Si  legas,  pacem  bonae  voluntatis  pro  voluntaria,  ne  huic  quidem  expositioni  reclamo.  Illa  tamen  simplicior  est,  appositive  subiici  soSoxiav,  ut  sciamus  unde  pax  nobis  proveniat.