42:77  77  SUR  LB  XI.  CHAP.  DE  DANIEL.  78  separabis  c'est  a  scavoir,  que  nous  n'avons  point  a  servir  Dieu  en  ces  petis  badinages  qui  sont  en  la  Papaute,  qui  ne  sont  que  menus  fatras,  et  ieux  de  petits  enfans,  par  lesquels  on  pense  contenter  Dieu,  mais  qu'on  ne  le  fait  que  provoquer  a  ire.  Au  contraire,  qu'il  faut  que  nous  cheminions  devant  Dieu  en  pure  conscience,  que  nous  soions  assuiettis  a  luy,  que  nous  luy  facions  service,  et  de  nos  ames,  et  de  nos  corps,  qu'il  faut  que  nous  soions  tellement  mortifies,  a  fin  que  l'esprit  de  Dieu  regne  en  nous:  ils  ne  prendront  rien  de  tout  cela,  et  feront  semblant  neantmoins  de  recevoir  l'Evangile  a  fin  d'avoir  licence  et  permission  de  vivre  a  leur  plaisir,  et  a  leur  poste,  voila  donc  comme  beaucoup  abusent  meschamment  de  la  doctrine  que  nous  preschons,  et  nous  en  voions  de  fait  tant  et  plus  qui  scauront  parler  de  l'Evangile,  et  cependant  ils  en  feront  une  couverture  de  leurs  paillardises  et  abominations,  ou  bien  de  choses  semblables,  et  puis  nous  voions  quand  ils  ne  scauront  que  faire  en  la  Papaute,  qu'ils  se  viendront  ietter  en  l'Eglise  de  Dieu,  et  diront  que  c'est  pour  l'amour  de  l'Evangile,  et  cependant  ce  sera  tout  le  contraire,  car  ils  sont  si  meschans  qu'ils  ne  pouvoient  vivre  en  ce  gouffre  d'enfer,  que  les  meschans  mesmes  ne  les  pouvoient  porter,  et  cependant  ils  viendront  insecter  le  troupeau  de  nostre  Seigneur  Iesus  Christ,  on  en  voit  beaucoup  de  desbordes,  qui  sont  si  infames  que  mesmes  les  plus  meschans  les  mesprisent,  et  bien  il  leur  semble  qu'ils  viennent  a  un  refuge.  Nous  voions  donc  toutes  ces  choses,  et  c'est  une  tentation  bien  dure,  et  qui  seroit  pour  nous  desbaucher,  et  pour  nous  faire  perdre  courage,  sinon  que  Dieu  y  remediast,  car  les  Papistes  aussi  nous  scavent  bien  reprocher,  que  nous  sommes  cause  de  mettre  tout  le  monde  en  trouble,  qu'auparavant  il  y  avoit  encores  quelque  bride,  qu'on  tenoit  les  gens  sous  quelque  discipline,  et  qu'ils  sont  maintenant  si  desbordes  qu'on  n'en  peut  iouir.  Or  cependant  si  avons  nous  a  resister  a  tels  scandales,  quand  il  nous  est  dit  que  plusieurs  s'adioindront  par  flateries  et  par  fallaces  au  peuple  de  Dieu.  Voila  Dieu  qui  nous  commande  que  nous  suivions  sa  parole,  et  qu'il  faut  que  nous  obeissions  a  ce  qu'il  ha  ordonne,  or  cependant  le  monde  s'en  destourne,  il  y  ha  une  telle  perversite  aux  hommes,  qu'ils  convertissent  la  doctrine  de  salut  tout  au  contraire,  que  faut-il  faire  la?  il  n'est  point  question  de  quitter  l'office  auquel  Dieu  nous  ha  commis,  ne  pour  tous  les  scandales,  que  nous  mettions  sa  doctrine  sous  le  pied,  il  faut  donc  que  nous  poursuivions  nostre  vocation,  et  voire  mais  cependant  le  mal  duquel  nous  sommes  cause,  il  le  faut  empescher,  on  le  doit  fuir  tant  qu'il  est  possible,  mais  quoy  qu'il  en  soit  confions-nous  en  Dieu,  et  puis  qu'il  nous  veut  exercer  et  humilier  par  ce  moien,  qu'il