35:77  77  IOB  CHAP.  XXXIII.  78  en  se  cognoissant  seroyent  assez  tost  dontez:  mais  il  leur  semble  que  c'est  merveilles  d'eux,  qu'ils  peuvent  tout:  ils  ne  cognoissent  point  qu'ils  sont  nais  et  creez  a  ceste  condition  d'obeir  a  Dieu.  Iusques  a  tant  donc  que  l'orgueil  soit  rompu  en  nous,  il  est  certain  que  nous  serons  par  trop  hardis  pour  nous  esgarer.  Et  ainsi  quand  Dieu  nous  veut  retirer  de  nos  entreprinses,  il  faut  qu'il  remedie  premierement  a  ceste  maladie  d'orgueil  laquelle  domine  par  trop  en  nous.  Et  notamment  il  est  parle  de  Cacher  V  orgueil',  non  point  qu'il  suffise  de  l'ensevelir,  afin  qu'il  ne  se  monstre  point  :  mais  ici  Eliu  a  use  de  ceste  similitude  de  laquelle  nous  userons  souventesfois  envers  les  hommes  pour  leur  faire  honte:  comme  si  on  disoit,  Va-t'en  cacher  vilain,  quand  un  homme  voudra  ici  faire  du  brave,  et  qu'on  luy  viendra  mettre  telles  reproches  en  avant,  qu'il  ne  s'ose  plus  monstrer,  et  qu'il  faut  qu'il  s'en  aille  comme  ensevelir  en  sa  maison.  Voila  comme  son  orgueil  est  comme  rembarre.  Or  Dieu  en  besongne  ainsi  envers  nous.  Car  combien  que  nous  vueillions  faire  des  sages,  si  est-ce  que  nostre  folie  se  descouvre:  et  Dieu  aussi  ne  permet  pas  que  nostre  orgueil  soit  tousiours  cele  qu'il  ne  se  monstre.  Et  bien,  quand  cela  est  cognu,  qu'est-ce  que  Dieu  fait?  Il  nous  afflige  pour  nous  humilier:  mais  il  le  fait  en  telle  sorte  que  nous  sommes  confus,  c'est  a  dire,  il  nous  vient  souffleter,  et  alors  il  nous  fait  tel  opprobre  que  nous  appercevons  nostre  turpitude,