31:77  77  PSALMUS  VII.  78  tempore  deposuit.  Secunda  autem  ratio  nobis  hodie  esset  cum  vetustis  patribus  communis:  quando  magis  illustribus  documentis  paternus  Dei  erga  nos  amor  etiam  in  hac  vita  refulget.  Ego  vero  (ut  nuper  dixi)  in  hac  querimonia  Davidis  aliud  considero:  nempe  quod  Dei  ultoris  manum  sibi  adversam  instare  sentiens,  metu  obruitur,  ut  fere  obstupescat.  Idem  et  de  Ezechia  dicendum,  quod  non  simpliciter  mortem,  sed  iram  Dei,  et  quidem  non  vulgarem,  fuerit  deprecatus,  Ies.  38,  3.  7.  Laboravi  in  gemitu  meo,  natare  faciam  per  singulas  noctes  lectum  meum:  lacrymis  meis  culcitram  meam  madefaciam*).  8.  Caligavit  prae  indignatione  oculus  meus:  consenuit  in  persequutoribus  meis.  Quanquam  hyperbolicae  sunt  loquutiones,  non  tamen  poetice  amplificat  David  suum  moerorem,  sed  vere  et  simpliciter,  quam  durus  acerbusque  fuerit,  declarat.  Nam  semper  illud  tenendum  est,  non  fuisse  corporalibus  malis  tam  graviter  vulneratum,  sed  quod  Deum  sibi  infestum  cogitans,  quasi  apertos  inferos  cernebat:  quae  tristitia  alias  omnes  superat.  Atque  ut  quisque  sincere  Deo  addictus  est,  eius  ira  durius  percellitur.  Quo  factum  est  ut  sancti,  rara  alias  fortitudine  praediti,  tenerrimam  mollitiem  hac  in  parte  ostenderint.  Nec  aliud  nos  impedit,  quam  carnis  nostrae  stupor,  quo  minus  in  nobis  experiamur  quod  David  in  se  describit.  Qui  vero  mediocriter  experti  sunt  quid  sit  certare  cum  formidine  aeternae  mortis,  nullum  in  his  verbis  excessum  reperient.  Quare  sciamus  Davidem  conscientiae  suae  terroribus  afflictum,  non  vulgari  modo  se  ipsum  cruciasse,  sed  fere  iacuisse  exanimem.  Quod  ad  verba  spectat,  oculum  sibi  caligasse  dicit  :  quia  et  animi  dolor  facile  ad  oculos  penetrat,  et  illinc  se  maxime  profert.  Quia  verbum  pn^j  Pr  0  q110  reddidi  consenuit,  interdum  significat  recedere  e  suo  loco  :  nonnulli  exponunt,  evanuisse  vel  fugisse  oculorum  aciem.  Alii  intelligunt,  tumore,  qui  ex  fletu  nascitur,  absconditos  fuisse  oculos.  Mihi  tamen  primum  illud  simplicius  visum  est,  quod  queratur  David,  quasi  senio  deficere  oculos.  Quod  addit  per  singulas  noctes,  hinc  colligimus  quasi  longo  dolone  contabuisse,  et  tamen  nunquam  destitisse  a  precibus.  9.  Discedite  a  me  omnes  operarii  iniquitatis:  quia  audivit  Dominus  vocem  fletus  mei.  10.  Audivit  Dominus  deprecationem  meam,  Dominus  orationem  meam  suscipiet,  ll.  Pudefiant  et  turbentur  valde  omnes  inimici  mei,  retrocedant  et  pudefiant  repente.  *)  Ie  baigne,  en  marge:  ou  ic  fay  nager.