28:77  77  SUR  LE  DEUTER.  CHAP.  XXIII.  78  possession  de  la  terre  de  Canaan,  qui  leur  estoit  promise.  Ils  voyent  bien  qu'ils  ne  peuvent  point  estre  les  plus  forts  a  coups  d'espees:  mais  ils  prennent  a  loage  un  faux-prophete,  pour  les  maudire.  Et  comment  cela?  Au  nom  de  Dieu.  Or  en  premier  lieu  nous  voyons  que  ceux  qui  n'avoyent  point  la  religion  vraye  et  pure,  retiennent  encores  quelque  semence:  mesmes  qu'ils  avoyent  cela  imprime  en  leur  coeur,  que  Dieu  gouverne  le  monde,  que  toutes  choses  se  disposent  selon  sa  volonte:  que  ceux  ausquels  il  favorise,  prosperent  tousiours:  que  ceux  ausquels  Dieu  est  contraire,  sont  malheureux  et  confus.  Voila  pourquoy  les  Moabites  prennent  ainsi  Balaam  a  loage,  pour  maudire  au  nom  de  Dieu.  Car  combien  que  tout  ce  qu'ils  ont  fait  soit  reprouve,  et  qu'ils  ayent  faussement  pretendu  le  nom  de  Dieu  comme  sacrileges  qu'ils  estoyent,  et  que  cela  leur  ait  este  une  pollution  maudite:  toutesfois  tout  cela  leur  est  procede  d'un  bon  principe:  c'est  qu'ils  ont  atttribue  a  Dieu  toute  puissance  de  gouverner  le  monde:  mais  puis  apres  ils  en  ont  abuse.  Or  quand  nous  voyons  cela,  si  nous  cuidons  parvenir  au  dessus  de  nos  entreprinses,  sans  avoir  invoque  le  nom  de  Dieu:  si  l'un  se  confie  en  son  industrie,  l'autre  en  sa  prudence,  l'autre  en  sa  force,  nous  sommes  pires  que  ces  povres  aveugles  qui  n'avoyent  iamais  cogneu  un  seul  mot  de  la  Loy,  et  ne  faudra  point  d'autres  tesmoins  pour  nous  condamner  devant  Dieu.  Yoici  donc  un  article  qui  est  bien  digne  d'estre  note.  Puis  que  Dieu  a  voulu  que  ceste  clarte  demeurast  entre  les  incredules:  c'est  qu'ils  cogneussent  qu'il  gouverne  ici  bas  la  vie  des  hommes,  et  que  tout  est  en  sa  main:  qu'il  faut  que  nous  luy  attribuions  cest  honneur,  si  nous  ne  voulons  estre  pires  que  ceux  qui  n'ont  eu  nulle  vraye  religion.  Mais  advisons  aussi,  quand  nous  aurons  quelque  bonne  semence,  qu'elle  ne  soit  point  corrompue.  Car  ce  n'est  point  le  tout  d'imaginer  de  Dieu  ceci  ou  cela:  mais  il  faut  que  nous  en  ayons  une  cognoissance  entiere  et  pure.  Il  n'est  rien  plus  facile  que  de  nous  embrouiller:  d'autant  que  nous  sommes  enclins  a  vanite,  et  que  le  diable  aussi  nous  forge  beaucoup  d'illusions  pour  nous  envelopper  nos  esprits,  incontinent  la  verite  sera  convertie  en  mensonge,  si  nous  ne  sommes  sur  nos  gardes.  Et  ainsi  apprenons  d'invoquer  Dieu,  afin  que  s'il  s'est  manifeste  a  nous,  que  nous  ne  declinions  ni  a  dextre  ni  a  senestre:  et  que  la  cognoissance  que  nous  avons  receue  ne  soit  point  pervertie,  et  que  nous  n'en  abusions  point.  Car  ici  nous  voyons  ce  qui  est  advenu  a  ceux  qui  ont  prins  Balaam  a  loage.  Ils  le  prennent  comme  un  Prophete.  Et  de  fait:  Balac  le  roy  de  Moab  luy  dit:  Ie  say  que  ceux  que  tu  maudiras,  seront  aussi  maudits  de  Dieu:  et  ceux  que  tu  beniras,  seront  benits.  Pourquoy  est-ce  que