27:77  77  SUR  LE  DEUTER.  CHAP.  XI.  78  Voila  en  somme  ce  que  nous  avons  a  retenir,  quand  Moyse  parle  de  l'augmentation  de  l'Eglise.  Car  comme  Dieu  suscite  un  peuple  la  ou  on  ne  voit  rien  :  il  veut  aussi  bien  restaurer  son  Eglise  de  sa  main.  Et  en  somme  l'Escriture  saincte  nous  monstre,  que  d'autant  que  l'Eglise  est  le  royaume  spirituel  de  nostre  Seigneur  Iesus  Christ:  qu'aussi  il  y  veut  besongner  d'une  facon  miraculeuse,  quand  il  est  question  de  le  consermer.  Fions-nous  donc  en  luy,  et  en  toutes  sortes:  ne  doutons  point  que  d'autant  qu'il  a  multiplie  comme  les  estoillez  du  ciel  la  lignee  d'Abraham,  qu'auiourdhuy  il  pourra  bien  faire  le  semblable:  et  pourtant  ne  craignons  point,  quand  il  semblera  que  l'Eglise  doive  estre  abysmee,  que  Dieu  la  saura  bien  remettre  au  dessus.  Et  ceci  principalement  s'accomplit  en  nostre  Seigneur  Iesus  Christ,  comme  l'Escriture  le  monstre.  Car  tout  ce  qui  a  este  devant  sa  venue,  n*a  este  qu'un  ombrage  de  ce  qui  est  auiourd'huy  en  perfection.  Et  ainsi,  regardons  les  estoilles  du  ciel,  quand  il  nous  semblera  que  tout  le  monde  est  desnue  de  fideles,  et  que  tout  est  perdu,  qu'il  n'y  a  que  desolation  :  regardons  les  estoilles  du  ciel,  et  esperons  que  nostre  Dieu  qui  a  une  fois  suscite  une  telle  multitude  de  septante  personnes,  pourra  auiourdhuy  aussi  bien  en  faire  autant  envers  son  Eglise:  et  quand  il  l'aura  fait,  que  cela  nous  soit  comme  un  songe,  et  que  nous  en  soyons  ravis  en  estonnement,  d'autant  qu'il  aura  surmonte  nostre  sens,  et  raison  naturelle.  Or  venons  maintenant  a  la  conclusion  que  fait  Moyse:  Aimez  donc  le  Seigneur  vostre  Dieu:  gardez  sa  Loy,  ses  statuts,  ses  mandemens,  ses  droictures,  ses  ordonnaces,  voire  a  tousiours.  Par  ceci  nous  sommes  admonnestez,  selon  que  nous  aurons  cogneu  la  grace  de  Dieu,  que  nous  devons  estre  tant  plus  enflammez  a  nous  addonner  du  tout  a  son  service:  comme  S.  Paul  ne  trouve  point  d'exhortation  plus  vehemente,  et  qui  ait  plus  grande  vertu,  que  celle-la,  quand  il  dit:  Ie  vous  prie  et  adiure  (mes  freres)  par  les  pitiez  et  misericordes  que  Dieu  a  declairees  envers  vous.  D'autant  que  S.  Paul  voit  que  les  hommes  sont  si  tardifs,  et  lasches,  voire  mesmes  les  fideles  (car  c'est  a  ceux-la  qu'il  adresse  ceste  doctrine)  voyant  donc  que  nous  avons  besoin  d'estre  picquez  souvent,  il  prend  cest  argument  ici,  pour  donner  vivacite  a  son  exhortation  :  Mes  freres,  ie  vous  prie  par  les  misericordes  de  Dieu.  Comme  s'il  disoit:  Quelques  durs  que  vous  soyez,  si  faut-il  que  tant  de  bon  tez  que  Dieu  a  desployees  envers  vous,  ayent  quelque  vertu  pour  vous  esmouvoir,  et  pour  vous  enflammer  vos  coeurs  :  quand  il  n'y  auroit  que  froidure  telle  que  glace,  si  faut-il  que  vous  soyez  esmeus,  et  que  vous  sentiez  comme  vostre  Dieu  s'est  monstre  benin  et  liberal.  Et  ainsi  pratiquons  ceste  sentence  de  S.  Paul  toutes  fois  et  quantes  que  nous