26:77  77  SUR  LE  DEUTER.  CHAR  III.  78  nos  affections,  encores  qu'il  n'y  ait  point  apparence  de  mal  :  par  plus  forte  raison  que  nous  avisions  bien  de  ne  point  ietter  nos  bouillons,  quand  nous  serons  solicitez  a  mal,  et  que  nous  serons  transportez  de  nos  convoitises  charnelles,  que  tout  cela  soit  amorti:  veu  qu'il  ne  nous  est  pas  licite  mesmes  de  souhaitter  ce  qui  sera  bon,  sinon  que  nous  ayons  le  conge  de  Dien.  Mais  sur  tout,  quand  il  est  question  de  prier,  il  nous  faut  observer  ceste  doctrine.  Car,  comme  i'ay  dit,  le  fondement  de  toutes  nos  prieres,  est  la  foy:  et  qu'emporte-elle?  C'est  que  nous  oyons  Dieu  parler.  Si  nous  prions  a  l'aventure,  estans  en  doute  d'obtenir  et  d'impetrer  ce  que  nous  requerons,  il  n'y  aura  que  feintise,  et  nous  ne  profiterons  rien,  dit  l'Escriture.  Il  est  donc  question  que  nous  soyons  asseurez,  quand  nous  venons  devant  Dieu,  que  nous  ayons  ceste  certitudela,  que  ce  n'est  pas  en  vain,  et  que  nous  ne  serons  point  frustrez  en  le  requerant.  Et  voila  en  quoy  les  Oraisons  des  Chrestiens  different  d'avec  celles  des  incredules.  Car  les  incredules  auront  bien  leur  refuge  a  Dieu,  et  le  requerront  de  ceci  et  de  cela:  mais  quoy?  ils  sont  en  bransle,  et  ne  savent  s'ils  obtiendront  ou  non.  Car  ils  ne  s'attendent  point  aussi  aux  promesses.  Mais  de  nostre  coste,  il  nous  faut  estre  certifiez  de  l'amour  de  nostre  Dieu:  et  qu'il  est  beaucoup  plus  prest  a  nous  exaucer,  que  nous  ne  serons  point  a  le  requerir:  mesmes  qu'il  vient  au  devant  de  nous,  comme  il  est  pitoyable,  et  comme  il  regarde  nos  miseres,  et  nos  necessitez  pour  y  subvenir.  Il  nous  faut  donc  estre  tout  persuadez  de  cela,  quand  nous  prions.  Or  comment  le  saurons-nous?  Il  ne  faut  pas  qu'un  chacun  se  face  accroire  qu'il  tiendra  Dieu  oblige,  et  qu'il  le  fera  passer  par  tous  ses  desirs.  Quelle  audace  seroit-  ce?  Et  quel  honneur  resteroit-il  plus  a  Dieu,  si  chacun  disoit:  Ie  cuide  que  Dieu  fera  ce  que  ie  luy  veux  demander.  Mais  il  nous  faut  estre  appuyez  sur  ses  promesses.  Voila  donc  la  foy  qui  est  requise  en  nos  oraisons,  c'est  assavoir,  que  nul  ne  s'ingere  de  son  propre  mouvement  :  mais  qu'ayans  la  promesse  par  laquelle  Dieu  nous  convie  a  soy,  nous  venions  hardiment,  ne  doutans  pas  qu'il  ne  nous  soit  fidele.  Puis  qu'ainsi  est,  il  nous  faut  maintenant  noter,  que  toutes  nos  oraisons  sont  vicieuses,  sinon  qu'elles  soyent  reiglees  a  la  volonte  de  Dieu.  Car  quand  nous  attentons  de  luy  demander  ce  qui  nous  vient  en  fantasie,  il  n'y  ha  plus  de  promesse  quand  nous  y  allons  a  l'esgaree.  Et  ainsi,  d'autant  que  nous  passons  nos  bornes,  ce  n'est  point  pour  nous  avancer.  Voila  donc  comme  en  priant  il  nous  faut  tousiours  discerner  de  ce  que  Dieu  nous  a  permis,  et  de  ce  qu'il  veut  que  nous  luy  demandions:  et  que  nous  ayons  ceste  modestie-la  et  sobriete  de  le  requerir  comme  si  son  Esprit  parloit  en  nous:  comme  s'il  nous  avoit  dicte  iuy-mes-