21:77  77  PAR  NICOLAS  COLLADON.  78  Genese.  Davantage,  pour  ce  qu'un  certain  brouillon  avoit  calomnie  par  escrit  l'accord  de  l'Eglise  de  Zurich  avec  celle  de  Geneve,  touchant  les  Sacremens,  qui  avoit  este  imprime  l'an  1549,  comme  il  a  este  dit:  pour  respondre  a  cest  escervelle,  il  composa  tant  en  Latin  qu'en  Francois  une  declaration  des  articles  contenus  audit  Accord  :  laquelle  il  dedia  le  28  de  Novembre  aux  Pasteurs  des  Eglises  de  la  ville  et  territoire  de  Zurich,  Berne,  Basle,  Schaffouse,  Court  1),  et  de  [d  8]  tous  les  pays  des  Grisons,  de  Saingalle,  Sienne,  Milhout  et  Neuf-chastel.  Au  mesme  temps  qu'il  avoit  a  combatre  contre  les  heresies  de  Servet,  se  couva  en  la  ville  une  menee  bien  dangereuse,  et  qui  tendoit  a  faire  dissipation  de  l'Eglise,  en  ostant  d'icelle  l'exercice  de  la  discipline.  Car  aucuns  des  plus  grands,  et  qui  avoyent  ou  usurpoyent  lors  plus  de  puissance  au  gouvernement  des  affaires,  n'aimoyent  gueres  que  la  parole  de  Dieu  fust  preschee  avec  vertu  et  efficace.  A  iceux  avoyent  recours  certains  desbauchez  et  gens  incorrigibles,  ausquels  a  bon  droit  le  Consistoire  avoit  defendu  la  Cene,  iusqu'a  ce  qu'ils  eussent  proteste  de  leur  repentance,  et  monstre  amendement.  Ils  avoyent  bien  desia  de  long  temps  machine  de  rompre  le  bon  ordre  (comme  il  a  este  dit),  et  Dieu  avoit  tousiours  rabattu  les  coups  :  mais  lors  la  chose  en  vint  la,  que  ne  pouvans,  et  mesme  n'osans  du  tout  abolir  le  Consistoire,  c'est  a  dire,  l'exercice  de  la  Iurisdiction  spirituelle  que  Iesus  Christ  a  ordonnee  en  son  Eglise,  ils  mirent  en  avant,  que  quand  le  Consistoire  auroit  defendu  la  Cene  a  quelques  uns,  le  Conseil  les  pourroit  absoudre,  et  leur  donner  permission  de  la  recevoir.  Et  pour  colorer  un  tel  changement,  ils  disoyent  qu'on  pourroit  faire  venir  en  Conseil  l'un  des  Ministres,  en  la  presence  duquel  les  Magistrats  absoudroyent  celuy  qui  auroit  este  excommunie  par  le  Consistoire.  Mais  Calvin  descouvrit  si  bien  les  choses  en  Consistoire,  qu'il  fut  ordonne  qu'on  les  iroit  remonstrer  en  plein  Conseil  au  nom  de  tout  le  Consistoire.  Davantage  un  autre  iour,  Calvin  et  tous  les  autres  Ministres,  tant  de  la  ville  que  des  villages,  furent  en  personne  aussi  au  Conseil  se  plaindre  a  Messieurs  de  ceux  d'entre  eux  qui  machinoyent  telles  choses  (sans  toutesfois  exprimer  leurs  noms),  et  protester  chacun  pour  son  regard  qu'ils  ne  pourroyent  dissimuler  une  telle  corruption,  et  seroyent  contraints  de  quitter  leur  ministere  en  ceste  Eglise.  Or  combien  que  tant  le  Consistoire  que  les  Ministres  s'opposassent  au  mal  par  bonnes  remonstrances,  toutesfois  afin  de  commencer  par  la  pratique,  un  certain  Amied  Perrin,  lors  premier  Syndique,  duquel  il  sera  parle  ci  apres,  bailla  lettres  de  recevoir  la  Cene  a  un  certain  garnement  de  ses  1)  Coire  F.