11:77  1504  AUGUST.  que  meis  exorem.  Nosti  enim  testamentum  propria  manu  scriptum  in  posterum  infirmari  posse  atque  reiici,  quum  a  nemine  characteres  agnosci  ac  comprobari  valuerint.  Plura  non  scribo,  quod  Farellum  tibi  omnia  abunde  narrasse  arbitror.  Memineris  tuum  mihi  revelare  consilium  super  hoc  difficili  nodo,  nec  id  minoris  apud  me  erit  pretii  quam  si  a  patre  proficisceretur.  Sic  sane  Calvinum  meum  ut  patrem  usque  complectar  et  unice  exosculabor.  Vale  salutata  coniuge  tua,  quam  te  nuper  duxisse  audivimus,*)  utinam  tam  feliciter  quam  desideramus.  Dominos  Capitonem,  Bucerum,  Sturmium,  Haedionem,  Isnardum  ac  fratrem  tuum  nostro  accurate  salutabis  nomine,  si  placet.  Alexander,  Frum.  Anton.  Armentianus  (cui  decanatum  resignavimus)  et  nostri  omnes  vos  impensissime  salutant,  maxime  Petrus  a  Fonte  qui  omnia  boni  consuluit.  Tononii,  17.  Aug.  1540.  Tuus  et  fratris  Christophorus  Libertinus.  235.  FARELLUS  LIBERTETO.  Agit  de  quodam  quem  ille  commendaverat  ministerio  sacro  alicubi  in  agro  Neocomensi  donandum.  Uxoris  Calvini  laus.  (Ex  autographo  Bibi.  pastorum  Neocom.  Epp.  Farelli  fascic.  II.  N.  6.)  Suo  Christophoro  Tononii.  S.  Gratiam  et  pacem.  Facis  ut  decet  Christi  ministrum,  intentus  non  solum  commodis  ecclesiarum  istarum,  sed  et  aliarum,  quum  omnes  sint  unum  corpus  et  prosit  omnibus  quod  uni  est  utile,  prout  nocet  universis  quod  cuivis  officit.  Cupimus  et  omnes  hic  paria  facere,  tibique  gratias  agimus,  quod  ubi  morbus  est  difficilis  medicum  offers  aegrotis  appositum  virum  pro  Christo  pastorem,  ac  qui  potius  omnia  deseruerit  quam  Christum,  non  cursorem,  non  ambitiosum,  et  alia  quae  tuis  indicasti  literis  ami-  234.  1)  Haec  est  prima  mentio  uxoris  Calvini  tandem  aliquando  revera  ductae,  neque  de  mense  Augusto  dubitari  posse  videtur  quum  iam  ep.  praecedente  Farellus  Argentoratum  venisse  dicatur.  Alii  Septembrem  indicant  (Staehelin  p.  275.  Bonnet,  recits  du  16e  Siecle  p.  84.  Kampschultius  autumnum  ponit).  De  pompa  in  his  nuptiis  exhibita,  deque  praesentia  legatorum  Neocomensium,  quod  illi  autores  habent,  in  epistolis  nihil.  Caeterum  uxorem,  nomine  suo  Idelettam,  s.  Odilettam  de  Bure  dictam,  viduam  fuisse  Anabaptistae  Leodiensis  Ioannis  Stordeur,  non  ita  pridem  a  Calvmo  meliora  edocti  et  paulo  post  conversionem  suam  peste  mteremti,  res  est  mter  omnes  notissima.