10.1:77  ORDONNANCES.  francois  :  [page  8]  et  puis  a  lire  cour  am  ment.  En  la  fin  qu'on  les  accoustume  a  prononcer  en  Latin,  leur  baillant  pour  patron  le  Catechisme  Latinfrancois.  Que  ceulx  qui  seront  en  aage,  commencent  aussi  d'apprendre  a  escrire.  Les  loix  de  la  sixieme  classe.  Qu'on  y  enseigne  es  six  premiers  mois  de  l'an  les  premiers  rudimens  des  declinaisons  et  coniugaisons,  en  la  plus  grande  simplicite  que  faire  se  pourra.  En  l'autre  demi  an  qu'il  se  face  declaration  rude  et  familiere  de  toutes  les  parties  d'oraison,  avec  leurs  accessoires,  comparant  tousiours  le  Francois  avec  le  Latin:  et  conioignant  les  exercitations  pueriles  de  la  langue  Latine.  Que  les  enfans  soyent  avancez  et  confermez  a  bien  former  leurs  lettres,  et  soyent  aussi  duits  et  accoustumez  a  parler  Latin.  Les  loix  de  la  cinquieme.  Qu'on  y  expose  plus  diligemment  les  parties  d'oraison  et  les  plus  simples  Rudimens  de  la  Syntaxe,  prenant  le  patron  sur  les  Bucoliques  de  Virgile.  Que  les  enfans  commencent  petit  a  petit  de  s'exercer  a  escrire,  ou  composer.  Les  loix  de  la  quatrieme  classe.  Qu'on  y  monstre  les  preceptes  de  la  Syntaxe  en  leur  perfection,  conioingnant  ies  Epistres  de  Ciceron  les  plus  brieves  et  familieres:  et  qu'on  propose  aux  enfans  certains  themes  faciles  sur  le  patron  d'icelles.  Qu'on  y  enseigne  aussi  les  Quantitez  des  syllabes  comprinses  en  peu  de  reigles  :  avec  les  Elegies  d'Ovide,  [page  9]  De  tristibus,  et  de  Ponto.  Finalement  qu'on  y  apprenne  les  enfans  a  lire  en  grec,  decliner  et  coniuguer  le  plus  simplement  que  faire  se  pourra.  Les  loix  de  la  troisieme  classe.  Qu'on  y  enseigne  la  Grammaire  Grecque  d'une  facon  plus  exquise,  tellement  que  les  enfans  observent  soigneusement  les  reigles  des  deux  langues,  et  exercent  leur  stile  par  tour.  Des  autheurs,  ceulx-ci  leur  soyent  leus  principalement  :  les  Epistres  de  Ciceron,  le  livre  de  Amidario: