9:769  769  CONFESSIONES.  770  a  eux.  Car  un  tel  mespris  emporte  avec  soy  un  sacrilege  trop  detestable.  Nous  confessons  bien  que  par  forme  [page  34]  de  parler,  qu'on  nomme  Sacramentale,  les  meschans  recoivent  le  corps  et  le  sang  de  Iesus  Christ,  et  les  anciens  Docteursx)  ont  bien  quelque  fois  use  de  ce  langage:  mais  ils  se  sont  exposez  en  adioustant  que  ce  n'estoit  point  realement  et  de  faict,  mais  entant  que  le  Sacrement  le  porte,  comme  aussi  nous  ne  pouvons  avoir  nulle  part  a  Iesus  Christ  que  par  foy,  et  il  n'a  nulle  accointance  avec  nous,  si  nous  ne  sommes  ses  membres.  Il  reste  de  voir  de  la  facon  et  maniere,  par  laquelle  nostre  Seigneur  Iesus  se  communique  a  nous  en  la  Cene,  dont  plusieurs  questions  et  disputes  ont  este  esmeues  de  nostre  temps.  Or  en  premier  lieu  nous  reiettons  non  seulement  la  resverie  commune  quant  a-la  transsubstantiation  qu'on  appelle,  mais  aussi  ce  qui  a  este  conclud  au  Concile  de  Tours,  qu'on  masche  avec  les  dents  le  corps  de  Iesus  Christ,  et  qu'on  Pavalle:  car  de  dire  que  le  pain  soit  change,  et  qu'il  n'y  ait  plus  qu'une  figure  sans  substance,  cela  repugne  a  la  nature  du  Sacrement,  auquel  il  nous  est  monstre,  que  comme  nous  sommes  substentez  de  pain  et  de  vin,  aussi  nos  ames  sont  nourries  de  la  chair  et  du  sang  de  Iesus  Christ.  Or  il  faut  qu'il  y  ait  conformite  entre  la  verite  spirituelle,  et  le  signe  exterieur.  S'il  n'y  avoit  donc  que  la  figure  de  pain,  il  n'y  auroit  aussi  que  figure  quant  au  corps  et  au  sang  de  Iesus  Christ.  Nous  concluons  [page  35]  donc  sans  doute,  que  le  pain  et  le  vin  demeurent  comme  le  signe  et  gage  pour  nous  testifier  que  la  chair  de  Iesus  Christ  est  nostre  pain  celeste,  et  son  sang  nostre  vray  bruvage.  Secondement  d'imaginer  que  nous  avallions  le  corps  de  Iesus  Christ,  et  qu'il  entre  en  nous  comme  du  pain  materiel,  c'est  une  chose  qui  ne  peut  estre  receue  des  Chrestiens,  et  contrevient  du  tout  a  la  reverence  que  nous  devons  porter  a  l'union  sacree  que  nous  avons  avec  le  Fils  de  Dieu.  Cependant  nous  confessons  que  vrayement  nous  sommes  unis  avec  nostre  Seigneur  Iesus,  tellement  qu'il  nous  vivifie  de  la  propre  substance  de  son  corps:  non  pas  qu'il  descende  icy  bas,  ne  qu'il  ait  un  corps  infiny  pour  remplir  le  ciel  et  la  terre,  mais  d'autant  que  ceste  grace  de  nous  unir  avec  luy,  et  de  vivre  de  sa  substance,  est  espandue  partout  par  la  vertu  de  son  esprit.  Nous  scavons  bien  qu'aucuns  disent  qu'en  un  mystere  si  haut  et  profond  il  n'est  pas  licite  de  s'enquerir  comment:  mais  apres  avoir  ainsi  parle,  ils  determinent  que  le  corps  de  Iesus  Christ  est  soubs  le  pain,  comme  du  vin  1)  Le  traducteur  latin  cite  en  marge  August,  de  civ.  Dei  L.  21,  cap*  25  paulo  ante  extremum.  Calvini  opera.  Vol.  IX.