23:769  769  SERMONS.  770  c'est  alors  qu'il  endure  beaucoup  plus.  Or  Abraham  se  void  la  avec  son  fils  quand  il  marche  ei  qu'il  le  conduit  ainsi:  et  mesmes  apres  [pag.  275]  luy  avoir  ainsi  respondu,  qu'encores  il  marche,  cela  est  pour  mieux  amplifier  la  vertu  qu'il  a  eu,  que  rien  ne  l'a  destourne  que  tousiours  il  n'ait  poursuivy,  d'autant  que  Dieu  le  conduisoit.  Et  ainsi  nous  voyons  comme  il  a  este  fortifie  d'en-haut;  car  il  estoit  impossible  que  selon  l'homme  il  peust  venir  a  bout  de  surmonter  telles  dificultez.  Dieu  donc,  luy  a  tenu  la  main  forte.  Mais  ce  qui  est  escrit  de  luy,  c'est  pour  nostre  instruction,  a  fin  que  nous  sachions  qu'Abraham,  combien  qu'il  fust  homme  debile  comme  nous,  neantmoins  n'a  pas  laisbe  de  veincre  tout  ce  qui?estoit  repugnant  a  sa  foy,  d'autant  que  Dieu  luy  a  assiste.  Et  quand  auiourd'huy  nous  cognoissons  nostre  foiblesse,  que  ce  n'est  point  pour  nous  y  flatter  et  pour  prendre  excuse,  comme  font  beaucoup:  mais  que  c'est  pour  nous  aiguillonner,  a  fin  que  nous  invoquions  Dieu,  et  que  nous  attendions  de  luy  ce  qui  nous  defaut  et  que  nous  marchions  en  telle  perseverance,  que  quand  le  diable  aura  machine  et  d'une  sorte  et  d'autre  de  nous  desbauciier  et  de  nous  faire  tourner  bride,  neantmoins  que  nous  allions  tousiours  plus  avant.  Car  ce  qui  est  ici  dit  du  chemin  de  trois  iours,  c'est  pour  nous  monstrer  que  nous  avons  a  continuer  tant  qu'il  plaira  a  Dieu.  Il  est  vray  que  les  tentations  nous  dureront  bien  [pag.  276]  quelques  fois  et  un  an,  et  dix  et  toute  nostre  vie,  et  il  le  faut  mesmes.  Mais  notons  qu'Abraham  a  este  tente  aussi  en  d'autres  sortes,  voire  pour  toute  sa  vie:  car  il  n'a  pas  encores  este  a  repos  apres  avoir  recouvre  son  fils  Isaac,  mais  en  une  seule  espece  de  tentation  ei  voyons-nous  de  terribles  combats.  Et  ainsi  que  nous  soyons  incitez  a  prier  Dieu,  et  de  continuer  du  iour  au  l'endemain,  sans  fin  et  sans  cesse.  Il  y  a  d'avantage  a  noter  ce  que  nous  verrons  encores  plus  a  plein,  c'est  assavoir,  de  l'obeissance  dTsaac:  car  il  falloit  a  la  verite  qu'il  fust  sacrifie  de  son  bon  gre,  et  pour  le  moins  qu'il  eust  une  affection  de  se  reigler  et  conformer  a  son  pere,  pour  faire  offrande  a  Dieu.  Voila  pourquoy  notamment  il  est  dit,  qu'ils  ont  marche  ensemble,  et  qu'Isaac  a  porte  le  bois.  Et  ainsi  apprenons  de  nous  renger  tellement  a  la  volonte  de  Dieu,  que  combien  qu'il  nous  faille  faire  force  a  nos  passions  et  nous  captiver  (comme  desia  nous  avons  dit)  neantmoins  que  nous  ne  laissions  pas  de  nous  rendre  a  luy  franchement,  et  de  nostre  bon  gre:  car  il  faut  que  ce  combat-ci  soit  en  tous  fideles,  c'est  assavoir,  combien  qu'ils  ayent  beaucoup  de  regrets,  et  combien  que  Dieu  les  exerce  si  vivement  qu'ils  ayent  quelques  doutes  et  quelques  remords,  mesmes  qu'ils  soyent  quelques  fois  comme  faschez  pour  estre  revesches  [pag.  277]  a  Calvini  opera.  Vol.  XXIII.