9:768  qu'en  le  possedant  nous  avons  en  luy  tout  ce  qui  appartient  a  nostre  salut.  Or  en  disant  que  la  Cene  nous  est  un  signe,  nous  n'entendons  point  que  ce  soit  une  simple  figure,  ou  remembrance,  mais  confessons  que  vrayement  ce  qui  nous  est  la  signifie,  y  est  quant  et  quant  accompli  par  effect.  Car  puis  que  Dieu  est  la  verite  infallible,  il  est  certain  qu'il  ne  nous  veut  point  amuser  a  quelque  vaine  apparence,  mais  que  la  substance  de  ce  que  les  sacremens  signifient  y  est  coniointe.  Parquoy  nous  tenons  que  ceste  doctrine  de  nostre  Seigneur  Iesus  Christ,  a  scavoir  que  son  corps  est  vrayement  viande,  et  son  sang  breuvage  (Iean  6,  55),  non  seulement  est  representee  et  ratifiee  en  la  Cene,  mais  aussi  accomplie  par  effect.  Car  la  par  les  signes  du  pain  et  du  vin  nostre  Seigneur  Iesus  nous  presente  son  corps  et  son  sang,  et  en  sommes  spirituellement  repus,  moyennant  que  nous  ne  fermions  point  la  porte  a  sa  grace  par  nostre  incredulite.  Car  comme  un  vaisseau,  combien  qu'il  soit  vuide,  ne  peut  recevoir  quelque  liqueur  pendant  qu'il  est  ferme  et  bouche,  aussi  faut-il  que  la  foy  face  ouverture  pour  nous  rendre  capables  des  biens  que  Dieu  nous  offre,  comme  il  est  dit  au  Pseaume  (81,  l  l  )  :  Ouvre  ta  bouche  et  ie  la  rempliray.  Non  pas  que  nostre  incredulite  abolisse  la  verite  de  Dieu,  ou  que  nostre  malice  empesche  que  [page  33]  les  Sacremens  ne  retiennent  leur  vertu:  car  quels  que  nous  soyons,  Dieu  demeure  tousiours  semblable  a  soy-mesme,  et  la  vertu  des  Sacremens  ne  depend  point  de  nostre  foy:  tellement  que  par  nostre  ingratitude  nous  ne  pouvons  desroguer  a  leur  nature  ou  qualite.  Parquoy  la  Cene  est  un  certain  tesmoignage,  qui  s'adresse  tant  aux  mauvais  qu'aux  bons,  pour  offrir  Iesus  Christ  indifferemment  a  tous  :  mais  ce  n'est  pas  a  dire  que  tous  le  recoyvent  quand  il  leur  est  offert.  Et  de  faict,  il  y  auroit  une  absurdite  trop  lourde  de  dire  1)  que  Iesus  Christ  fust  receu  de  ceux  qui  sont  du  tout  estranges  de  luy,  et  que  les  meschans  mangeassent  son  corps  et  beussent  son  sang,  estans  vuides  de  son  esprit,  d'autant  que  par  ce  moyen  il  seroit  mort,  estant  despouille  de  sa  vertu,  et  seroit  vuide  de  tout  bien,  n'apportant  rien  avec  soy.  Ce  qu'on  allegue  que  les  meschans  sont  coulpables,  du  corps  et  du  sang  de  Iesus  Christ  quand  ils  participent  indignement  a  la  Cene,  ne  prouve  pas  qu'ils  y  recoivent  autre  chose  que  le  signe:  car  il  n'est  pas  dit  par  sainct  Paul  (1.  Cor.  l  l  ,  29)  qu'ils  soyent  condamnez  pour  avoir  receu  le  corps  et  le  sang,  mais  pour  ne  les  avoir  point  discernez  d'avec  les  choses  profanes.  Leur  offence  donc  est,  d'avoir  reiette  Iesus  Christ  quand  il  se  presentoit  1)  de  dire  manque  dans  Ies  edd.  posterieures.