8:768  a  vente  a  Strasburg  et  franckfurt,  et  ne  scait  point  quilz  sont  devenuz.  7.  Sus  le  septiesme  respond  que  cella  ne  fut  iamais  faict  en  tems  quil  estoit  en  Allemagne  et  quuue  inquisition  nen  fut  point  faicte  de  son  tems,  ny  du  lyvre,  ny  limprimeur,  ny  de  luy,  et  que  dempuys  il  torna  bien  a  Basle  paisiblement  et  aussi  a  Strasburg.  8.  Sus  le  8.  respond  quil  y  peult  avoir  quelque  chose  semblable,  mais  toutesfois  il  la  fort  change,  car  il  a  faict  le  dernier  sans  veoir  icelluy  premier.  9.  Sus  le  9.  respond  quil  a  trouve  aulcuns  docteurs  questoient  de  lopinion  de  son  livre  et  daultres  que  non.  Interroge  quil  nomme  ceuix  de  son  opinion,  il  nomme  Capito  de  Strasburg  et  Oecolampade  au  commencement,  et  que  dempuys  il  se  changa,  et  Martin  Bucere  estoit  son  contraire,  et  quil  na  parle  que  a  cez  troys  la.  10.  Sus  le  dixiesme  respond  quil  pensoit  quil  offenseroit  Dieu  sil  ne  le  faisoit,  et  quil  le  faisoit  daufesi  bon  zele  que  sil  si  debvoit  saulver.  Car  nostre  seigneur  nous  a  commande  en  S.  Mathieu,  10  chapitre,  que  ce  que  luy  nous  aura  revele  en  secret,  que  nous  ne  le  debvons  point  cacher,  mais  le  communiquer  aux  aultres,  et  aussi  dict  au  5.  chapitre  que  la  lumiere  quil  nous  aura  donne  nous  ne  la  debvons  point  mectre  sous  le  banc  ny  sous  lescavelle,  mais  en  lieu  quelle  luyse  aux  aultres,  et  pour  ainsin  selon  Dieu  et  sa  conscience  il  pensoit  avoir  bien  suyvi  tous  les  passaiges  de  la  Saincte  escripture  qui  parlent  de  telles  questions,  et  aussi  les  premiers  anciens  docteurs  de  leglise.  Il  pensoit  bien  dire  et  bien  faire,  et  encor  pense  de  present  navoir  mal  faict,  ains  bien  faict  a  bonne  intention,  comment  dict  nostre  Seigneur,  S.  Mathieu,  6  chapitre,  Si  loeuil  est  bon  tout  le  corps  sera  lumineux,  et  si  lintention  est  bonne  tout  le  faict  sera  repute  bon.  Et  que  luy  navoit  iamais  este  seditieux  ny  perturbateur,  mais  quil  lavoit  faict  a  intention  daider  aux  bons  espritz.  11.  Sus  lunziesme  respond  quil  estoit  le  correcteur  et  quil  y  avoit  bien  ung  aultre  correcteur,  mais  quil  ne  corriga  pas  son  livre,  et  que  quant  sondict  livre  fut  commence  a  imprimer,  que  luy  le  correcteur  nomme  mai  tre  guillaume  nestoit  pas  encor  a  Vienne,  et  quil  y  vint  dempuys,  et  que  luy  ne  mania  iamais  sa  copie,  ny  son  livre  quil  scaiche.  12.  Sus  le  douziesme  respond  que  non,  quil  nen  ouit  iamais  parler.  13.  Item  pourquoy  etc,  respond  quil  la  intitule  ainsin  pource  quil  pensoit  restituer  beaucoub  de  choses  qui  n'estoient  pas  bien,  et  quil  entend  par  ce  tiltre,  Restitution  de  la  doctrine  du  Christianisme.  14.  Sus  le  quatorziesme  respond  quil  nentend