23:768  nous  ne  declinerons  point  de  ce  qu'il  nous  enseigne:  mais  que  nous  savons  qu'il  trouvera  tousiours  les  issues  en  choses  qui  seront  perplexes  quant  a  nous,  et  la  ou  nous  ne  verrons  que  confusion.  Au  reste,  on  pourroit  cependant  ici  trouver  quelque  infirmite  en  Abraham  parmi  des  vertus  si  excellentes,  car  il  semble  [pag.  273]  bien  qu'il  y  ait  eu  de  la  fiction,  en  ce  qu'il  dit,  qu'il  reviendra  avec  son  fils  apres  qu'ils  auront  adore  et  sacrifie  en  la  montagne:  car  desia  il  savoit  bien  que  son  fils  Isaac  devoit  la.  mourir,  pour  le  moins  il  s'en  tenoit  asseure  et  resolu.  Or  il  ne  nous  est  point  licite  en  facon  que  ce  soit  de  mentir.  Il  semble  donc  qu'Abraham  en  cest  endroit  ait  failli  :  Et  pour  ceste  cause  aucuns  estiment  qu'il  a  parle  en  Esprit  prophetique:  mais  ce  seroit  pour  aneantir  sa  foy,  d'autant  qu'il  falloit  qu'il  fust  ignorant  de  ce  qui  devoit  advenir.  Car  si  Dieu  luy  eust  desia  revele  que  son  fils  devoit  eschapper,  il  n'y  eust  eu  ne  zele  ni  constance  en  luy:  mais  quand  il  pense  qu'il  luy  faut  tuer  son  propre  fils,  voila  en  quoy  il  a  tesmoignage  de  son  obeissance.  Et  comment  donc  est-ce  qu'il  dit  que  son  fils  doit  retourner  avec  luy?  Or  ne  trouvons  point  ceci  trop  nouveau.  Car  quand  nous  sommes  ainsi  surpris  et  pressez  de  passions  vehementes,  il  nous  pourra  eschapper  beaucoup  de  choses  mal  a  propos,  tellement  que  nous  meslerons  l'un  avec  l'autre.  Ainsi  donc,  Abraham  a  peu  parler  comme  un  homme  qui  avoit  son  sens  quasi  esgare.  Non  pas  qu'il  ne  cognoisse  ce  qu'il  avoit  a  faire:  car  s'il  fust  alle  a  l'estourdie,  aussi  bien  ce  n'estoit  pas  pour  rendre  un  service  agreable  a  Dieu:  mais  il  est  certain  [pag.  274]  qu'Abraham  a  eu  tellement  toutes  ses  affections  arrestees  a  faire  ce  que  Dieu  luy  commandoit,  qu'il  a  este  la  comme  un  homme  ravi,  par  maniere  de  dire.  Et  nous  voyons  cela  en  ceux  que  Dieu  a  fortifiez.  Comme  s'il  faut  qu'un  homme  aille  a  la  mort,  il  ne  s'en  soucie  point,  et  il  ne  veut  pas  mesmes  qu'on  luy  parle  de  l'en  divertir:  car  il  fait  son  conte:  II  me  faut  presenter  maintenant  a  Dieu,  et  il  fait*  que  i'oublie  tout  le  reste.  Ainsi  donc  en  est-il  advenu  a  nostre  pere  Abraham,  lequel  n'a  pas  distinctement  pense  a  tout  ce  qu'il  devoit  respondre  touchant  le  sacrifice:  mais  seulement  il  dit:  Nous  irons  sacrifier  a  Dieu,  et  ayant  fait  nostre  offrande  nous  retournerons.  Voila  donc  quant  a  ce  poinct.  Or  il  est  dit  qu'Abraham  et  son  fils  ont  marche  plus  outre.  Ce  n'est  point  sans  cause  que  Moyse  met  ceci  par  deux  fois:  Ils  marcherent  ensemble:  et  puis:  Ils  ont  marche  plus  outre.  Quand  il  dit,  qu'ils  marchoyent  ensemble,  c'a  este  pour  nous  advertir  quelle  vehemence  de  passion  a  eu  Abraham,  quand  il  s'est  veu  luy  seul  avec  son  fils.  Car  encores  quelques  fois  la  compagnie  sera  cause  que  nous  ne  serons  pas  tant  esmeuz  ni  troublez,  Mais  quand  un  homme  est  seul,