9:767  707  CONFESSIONES.  768  ture  enseigne  que  nostre  Seigneur  Iesus  par  un  seul  sacrifice  nous  a  aequis  redemption  perpetuelle  (Hebr.  10,  14),  et  que  ce  n'a  este  que  pour  un  coup  qu'il  a  offert  son  corps  pour  le  prix  et  satisfaction  de  nos  pechez,  qu'il  n'est  point  licite  de  reiterer  tel  sacrifice:  et  puis  que  le  Pere  en  1'ordonnant  seul  et  perpetuel  Sacrificateur  selon  l'ordre  de  Melchisedech,  a  conferme  cela  par  serment  solennel.  Nous  tenons  aussi  que  c'est  un  blaspheme  desrogant  a  sa  dignite,  qu'autres  presument  de  l'offrir.  D'avantage,  nous  croyons  que  c'est  un  abus  et  corruption  insupportable,  d'avoir  des  Messes,  ausquelles  on  ne  communique  point,  veu  que  la  Cene  n'est  autre  chose  qu'un  Sacrement,  par  lequel  tous  Chrestiens  participent  ensemble  au  corps  et  au  sang  de  Iesus  Christ.  Nous  reprouvons  aussi  l'autre  abus  qui  est  commun  par  tout  le  monde,  que  le  peuple  ne  communique  qu'a  la  moitie  de  la  Cene,  et  qu'il  n'y  ait  qu'un  seul  Prestre,  qui  recoive  le  sacrement  entier.  Car  notamment  il  dit:  Beuvez  tous  de  ce  calice  (Matth.  26,  27).  Et  ce  que  Dieu  a  conioint  il  n'est  pas  licite  a  l'homme  de  le  separer.  Mesmes  l'usage  de  l'Eglise  ancienne  a  este  conforme  a  l'institution  de  nostre  Seigneur  Iesus  Christ,  et  ceste  separation  d'oster  le  calice  au  peuple,  a  este  nouvellement  controuvee.  Nous  ne  pouvons  aussi  consentir  a  un  autre  abus,  qui  est  de  celebrer  le  mystere  en  langage  [page  31]  incognu:  car  nostre  Seigneur  Iesus  a  voulu  estre  entendu  de  ses  disciples,  en  disant:  Prenez,  mangez,  voyci  mon  corps,  etc.  et  ses  paroles  s'adressent  a  l'Eglise.  Parquoy  c'est  une  mocquerie  du  sacrement  quand  le  Prestre  murmure  sur  le  pain  et  sur  le  calice,  et  qu'il  n'y  a  nulle  intelligence  de  ce  qui  s'y  fait.  Quant  a  la  Cene  de  nostre  Seigneur,  nous  avons  a  dire  en  premier  lieu  a  quelle  fin  elle  nous  a  este  instituee.  Car  par  la  il  aperra  quel  en  est  l'usage  et  quel  fruit  nous  en  revient.  Le  but  donc  auquel  elle  doit  estre  rapportee,  est  de  continuer  en  nous  la  grace  que  nous  avons  receue  au  Baptesme.  Car  comme  par  le  Baptesme  Dieu  nous  regenere  pour  estre  ses  enfans,  et  par  telle  naissance  spirituelle  nous  introduit  en  son  Eglise,  pour  nous  tenir  comme  ses  domestiques:  aussi  en  la  Cene  il  nous  declare  qu'il  ne  nous  veut  point  laisser  despourveus,  mais  plustost  nous  entretenir  en  la  vie  celeste,  iusques  a  ce  que  nous  soyons  parvenus  a  la  perfection  d'icelle.  Or  d'autant  qu'il  n'y  a  point  autre  nourriture  de  nos  ames  que  Iesus  Christ,  c'est  en  luy  seul  qu'il  nous  faut  cercher  la  vie.  Mais  a  cause  de  nostre  infirmite  et  rudesse,  la  Cene  nous  est  un  signe  visible  et  exterieur,  pour  nous  testifier  qu'en  participant  au  corps  et  au  sang  de  Iesus  Christ,  nous  vivons  spirituellement  en  luy.  Car  comme  il  ne  ee  presente  pas  vuide  a  nous,  aussi  nous  le  recevons  avec  tous  [page  32]  ses  biens  et  dons,  tellement