9:766  l'ayent  prins  comme  on  a  faict  depuis,  a  scavoir,  que  ce  soit  une  oblation  meritoire  pour  obtenir  pardon  et  grace  tant  aux  vivans  qu'aux  trespassez.  Or  combien  qu'il  y  ait  auiourd'hui  des  moyenneurs  qui  pour  colorer  l'erreur  general  qui  a  regne  par  le  monde,  font  semblant  de  recevoir  la  doctrine  des  anciens  Docteurs,  toutesfois  l'usage  et  la  pratique  demonstre  que  ce  sont  choses  toutes  contraires,  ou  pour  le  moins  eslongnees  comme  le  ciel  et  la  terre.  Il  est  assez  notoire  qu'en  l'Eglise  ancienne,  il  n'y  a  eu  nulles  Messes  privees,  nulles  fondations,  mais  qu'on  usoit  du  Sacrement  pour  y  communiquer.  Or  auiourd'huy  on  achete  les  Messes  comme  satisfactions  pour  s'acquiter  envers  Dieu,  et  chacun  en  a  a  part  a  sa  volonte:  telle  marchandise  ne  peut  avoir  couverture  de  l'usage  ancien  de  l'Eglise.  Il  y  a  encores  une  autre  profanation,  c'est  qu'au  lieu  que  la  saincte  Cene  ne  doit  porter  que  le  nom  de  Iesus  Christ,  on  forge  des  Messes  a  plaisir,  de  S.  Christophle,  saincte  Barbe,  et  de  toute  la  Kyrielle,  comme  on  dit:  lesquelles  facons  n'accordent  non  plus  avec  la  nature  du  Sacrement,  que  le  feu  avec  l'eau.  Au  reste,  combien  que  nous  honorions  l'anciennete,  [page  29]  et  ne  reiettons  pas  volontiers  ce  qui  a  este  approuve  des  saincts  peres,  toutesfois  c'est  bien  raison,  ce  nous  semble,  que  l'institution  de  nostre  Seigneur  Iesus  Christ  soit  preferee  a  tout  ce  que  les  hommes  ont  mis  en  avant.  Et  mesmes  il  faut  que  toute  authorite  humaine  cesse  quand  il  est  question  d'obeir  a  celuy  auquel  seul  toute  maistrise  a  este  donnee.  Nostre  Seigneur  Iesus  Christ  est  autheur  de  la  Cene,  et  non  autre:  ce  qu'il  en  a  donc  ordonne  doit  estre  tenu  pour  reigle  inviolable,  pour  l'observer  sans  contredit.  Or  il  a  distribue  le  pain  et  le  vin  en  disant:  Prenez,  mangez,  beuvez,  voici  1)  mon  corps  et  mon  sang  (Matth.  26,  26,  Marc.  14,  22,  1.  Cor.  ll,  24):  ainsi  d'offrir  au  lieu  de  recevoir,  c'est  contrevenir  a  l'ordonnance  du  fils  de  Dieu.  Quelques  excuses  qu'on  pretende,  en  introduisant  une  espece  de  sacrifice,  on  a  transfigure  le  sacrement,  et  converti  en  une  forme  toute  diverse.  Voyla  pourquoy  nous  ne  pouvons  recevoir  qu'on  use  d'aucune  facon  de  sacrifier  au  lieu  de  la  Cene.  Car  il  ne  nous  est  pas  licite  de  nous  destourner  de  ce  que  nostre  Seigneur  Iesus  Christ  nous  a  commande:  veu  que  lo  Pere  celeste  a  publie  son  arrest:  Qu'on  Pescoute  (Matth.  17,  5).  Et  de  faict,  S.  Paul  voulant  reformer  quelque  abus,  qui  estoit  desia  survenu  en  l'Eglise  de  Corinthe,  ramene  la  les  fideles,  d'observer  ce  qu'ils  ont  receu  de  nostre  Seigneur  Iesus  Christ  (1.  Cor.  l  l  ,  23):  dont  on  voit  qu'il  n'y  a  nulle  fermete  en  tout  le  reste.  [page  30]  Nous  tenons  donc,  puis  que  l'Escri-  1)  ceci  est