23:766  o  il  ne  faut  pas  que  cela  aille  ainsi,  car  il  y  a  un  tel  mal  qui  s'en  ensuyvroit.  Et  n'est-ce  pas  accuser  Dieu  de  folie,  et  le  despouiller  de  sa  vertu,  comme  s'il  ne  pouvoit  tenir  la  main  pour  faire  qu'on  ne  suyve  par  tout  ou  il  veut,  et  cependant  qu'on  ait  bonne  issue  et  heureuse?  Autant  en  est-il  des  Ministres  de  la  Parole  de  Dieu:  car  il  y  en  a  bien  peu  qui  se  puissent  acquitter  de  leur  devoir.  Il  est  vray  qu'il  y  a  beaucoup  de  vices  qui  les  empesche  :  mais  ceste  maudite  prudence  et  diabolique  regne  en  beaucoup,  lesquels  ne  voudront  point  esmouvoir  beaucoup  de  haines,  beaucoup  de  troubles:  et  la  dessus  plieront  a  tous  vents,  ou  ils  trouveront  moyen  de  deguiser  la  doctrine  [pag.  269]  de  l'Evangile:  comme  auiourd'huy  il  y  en  a  beaucoup.  Car  d'ou  est  venue  ceste  sorcelerie  de  ceux  qui  ont  voulu  moyenner  entre  la  Papaute  et  la  Chrestiente,  sinon  qu'ils  ont  regarde,  O  comment?  Et  changer  ainsi  les  choses,  il  faudroit  faire  comme  un  monde  nouveau,  o  cela  ne  pourroit  estre,  car  on  a  veu  desia  les  apparences  que  tout  ira  en  ruine.  Ainsi  il  faut  qu'on  se  contente  d'y  aller  a  demi,  et  de  nager  entre  deux  eaux.  Voila  comme  la  doctrine  de  Dieu  est  corrompue:  et  cependant  (comme  nous  avons  monstre)  quand  il  y  aura  ainsi  quelque  commencement  a  mal,  les  choses  iront  tousiours  en  pis,  en  sorte  qu'on  n'y  pourra  pas  donner  ordre  quand  on  voudra.  Et  il  ne  faut  pas  aller  aux  personnes  publiques:  mais  quand  un  homme  devra  gouverner  sa  famille,  et  bien  reigler  sa  maison,  tousiours  il  pensera:  O  si  ie  fay  ce  que  Dieu  ordonne,  il  me  pourra  advenir  telle  chose:  ou  bien  quand  un  homme  devra  gagner  sa  vie,  il  regardera:  O  si  i'y  vay  en  telle  simplicite,  ie  seray  comme  une  brebis  entre  la  gueule  des  loups  :  car  il  y  a  tant  de  finesses  et  de  ruses  au  monde,  que  ie  seray  trompe  a  tous  les  loups:  chacun  en  attrape  de  son  coste,  et  si  ie  ne  fay  le  semblable  que  sera-ce?  o  si  ie  me  fay  mouton  ou  brebis,  il  est  certain  qu'on  me  mangera  la  laine  sur  le  dos  [pag.  27  0],  Voila  que  chacun  pense,  comme  s'il  n'y  avoit  point  de  Providence  de  Dieu.  Et  au  reste,  quand  il  seroit  question  d'exposer  nostre  vie,  comme  auiourd'huy  combien  qu'il  ne  soit  pas  dit  a  chacun  de  nous,  Pren  ton  fils,  voire  ton  fils  unique  Isaac,  et  que  tu  le  tues:  toutesfois  en  general  Dieu  commande  que  luy  facions  hommage,  en  confessant  qu'il  nous  est  Pere  et  Sauveur.  Nostre  Seigneur  Iesus  Christ  veut  que  nous  luy  soyons  tesmoins  voire  devant  les  plus  pervers,  et  devant  les  plus  grans  tyrans  du  monde  :  car  il  ne  veut  pas  que  nous  le  confessions  seulement  devant  ceux  qui  desirent  que  son  Regne  aviene:  mais  devant  ses  ennemis  qui  luy  contrarient,  devant  les  persecuteurs.  Voila  donc  la  confession  qu'il  requiert  de  nous.  Et  la  dessus  qu'aviendra-il?  o  il  y  en  a  qui  diront:  Et  dequoy