9:765  765  CONFESSIONES.  76S  Pource  qu'il  j  &  deux  Sacremens  ordinaires  pour  l'usage  commun  de  toute  l'Eglise,  a  scavoir  le  Baptesme,  et  la  saincte  Cene,  nous  ferons  briefve  confession  de  nostre  foy  quant  a  l'un  et  a  l'autre.  Nous  tenons  done  que  le  Baptesme  nous  estant  lavement  spirituel,  et  signe  de  nostre  regeneration,  nous  sert  de  tesmoignage  que  Dieu  nous  introduit  en  son  Eglise,  pour  nous  tenir  comme  ses  enfans  et  heritiers:  ≪t  ainsi  que  nous  le  devons  appliquer  tout  ie  temps  de  nostre  vie,  pour  nous  confermer  aux  promesses  qui  nous  sont  donnees  tant  de  la  remission  de  nos  pechez,  que  de  la  conduite  et  assistance  du  sainct  Esprit.  Et  pource  que  ces  deux  graces  qui  nous  y  sont  signifiees  nous  sont  donnees  en  Iesus  Christ,  et  ne  se  peuvent  trouver  ailleurs,  nous  croyons  que  pour  ioujr  du  fruict  de  nostre  Baptesme,  il  le  nous  faut  la  rapporter  comme  a  sa  droitte  fin^  c'est  que  nous  sommes  lavez  par  l'effusion  du  sang  de  Iesus  Christ,,  et  en  vertu  de  sa  mort  et  resurrection  nous  mourons  en  nous  mesmes,  et  ressuscitons  en  nouveaute  de  vie:  et  pource  que  Iesus  Christ  en  est  la  substance,  l'Escriture  dit  que  nous  sommes  proprement  baptisez  en  son  nom  (Actes  2,  38  et  10,  48  et  19,  5).  D'avantage  nous  croyons,  puis  que  le  [page  27]  Baptesme  est  comme  un  thresor  que  Dieu  a  mis  en  son  Eglise,  que  tous  les  membres  d'icelle  y  doivent  participer.  Or  nous  ne  doutons  point  que  les  petis  enfans  nays  des  Chrestiens  ne  soyent  de  ce  nombre,  puis  que  Dieu  les  y  a  adoptez,  ainsi  qu'il  le  declare:  tellement  que  ce  seroit  les  frauder  de  leur  droit,  si  on  les  excluoit  du  signe  qui  n'est  que  pour  ratifier  le  contenu  de  la  promesse:  ioint  aussi  que  les  petis  enfans  ne  doivent  non  plus  estre  auiourd'huy  privez  du  sacrement  de  leur  salut,  que  les  enfans  des  Iuifs  l'ont  este  anciennement,  veu  que  la  declaration  en  doit  estre  plus  ample  et  liquide  que  sous  la  Loy.  Parquoy  nous  reprouvons  tous  fantastiques,  qui  ne  veulent  point  souffrir  que  les  petis  enfans  soyent  baptisez.  Pour  bien  declarer  ce  que  nous  croyons  de  la  Cene  nous  sommes  contrains  de  remonstrer  quelle  diversite  il  y  a  d'icelle  avec  la  Messe.  Car  nous  ne  pouvons  pas  dissimuler,  qu'il  n'y  a  rien  de  commun  entre  les  deux,  ou  conforme,  ny  mesme  qui  en  approche.  Nous  n'ignorons  point  que  ceste  Confession  est  odieuse  a  beaucoup  de  gens,  selon  que  la  Messe  est  en  grande  reverence  et  estime,  et  de  faict  nous  n'y  avons  pas  eu  moindre  devotion  que  les  autres,  iusques  a  ce  que  les  abus  nous  en  sont  este  remontrez:  mais  nous  esperons  quand  nos  raisons  auront  este  patiemment  ouyes  et  [page  28]  entendues,  qu'on  ne  trouvera  rien  estrange  en  ce  que  nous  en  tenons.  Il  est  vray  que  le  mot  de  Sacrifice  a  este  attribue  a  la  Cene  desia  de  long  temps  mais  il  s'en  faut  beaucoup  que  les  anciens  docteurs