23:765  765  SERMONS.  766  quand  il  est  question  de  la  vertu  incomprehensible  de  Dieu.  Et  ainsi  nous  devrions  desia  estre  tout  faconnez  a  recognoistre  sa  providence,  et  l'adorer  quand  il  nous  declaire  qu'il  veut  surmonter  tous  nos  sens.  Mais  quoy?  C'est  pitie  que  nous  ne  pouvons  eslever  Dieu,  pour  dire  qu'il  puisse  plus  que  nos  sens  nous  promettent  du  premier  coup.  Et  voila  aussi  pourquoy  il  y  a  tant  peu  de  foy  au  monde.  Et  mesmes  ceux  qui  ont  quelque  bonne  affection,  et  qui  semblent  estre  disposez  pour  croire  a  Dieu,  neantmoins  ils  ont  leur  foy  tant  maigre  et  tant  debile,  qu'il  ne  faut  rien  pour  l'abattre.  Or  tout  le  mal  vient  de  ce  que  nous  n'avons  pas  ceste  persuasion  enracinee  en  nous  touchant  la  Providence  de  Dieu.  Quand  sainct  Paul  parle  d'Abraham  (ainsi  que  nous  avons  traitte)  il  dit  qu'il  a  donne  gloire  a  Dieu,  estimant  qu'il  estoit  puissant.  Et  c'est  une  partie  de  ce  [pag.  267]  qu'il  dit,  qu'il  nous  faut  remettre  a  la  Providence  de  Dieu  toutes  les  choses  qui  nous  pourroyent  tormenter,  et  desquelles  nous  ne  pourrions  avoir  nulle  resolution.  D'autant  plus  donc  nous  faut-il  bien  mediter  ceste  doctrine.  Et  ainsi  toutes  fois  et  quantes  qu'il  nous  viendra  des  fantasies  en  la  teste  pour  nous  retenir  et  pour  nous  refroidir,  que  nous  ne  facions  ce  que  Dieu  nous  a  commande,  que  tousiours  nous  ayons  ce  mot  pour  faire  bouclier  :  Dieu  y  pourvoira,  comme  quoy?  Il  semble  souvent  que  ce  que  Dieu  nous  commande  soit  pour  nous  apporter  beaucoup  d'inconveniens.  Et  voila  ceste  maudite  sagesse  des  hommes  qui  est  la  plus  grande  ennemie  de  la  foy,  qui  tousiours  veut  avoir  la  vogue.  Car  voila  Dieu  qui  commandera  a  un  roy,  et  a  un  prince,  et  a  tous  magistrats  de  faire  qu'il  soit  honnore,  et  que  son  service  soit  maintenu  purement.  Or  la  dessus  on  regarde  que  le  monde  est  si  revesche  qu'a  grand  peine  en  peuton  iouir:  on  regardera,  Comment?  il  y  aura  tant  de  murmures  contre  nous  :  et  puis  il  faudra  si  on  tient  telle  rigueur,  que  tout  rompe.  Car  on  void  comme  les  hommes  ne  se  laissent  pas  aisement  manier.  Il  y  viendra  donc  des  troubles.  Et  puis  quand  on  void  ainsi  les  dificultez,  il  se  faut  moderer  en  quelque  sorte:  autrement  on  void  bien  qu'on  n'en  [pag.  268]  pourroit  venir  a  bout.  Voila,  di-ie,  les  tentations  qu'auront  ceux  qui  devroyent  s'opposer  au  mal.  Or  qu'avient-il?  Communement  ceux  qui  semblent  estre  les  mieux  advisez  et  prudens  iusques  au  bout,  voudront  parler  et  moyenner  en  telle  sorte  qu'il  n'y  ait  ni  chair  ni  poisson,  comme  on  dit.  Et  la  dessus  voila  Dieu  qui  sera  recule.  Premierement  il  y  a  ce  mal,  qu'on  ne  luy  obeit  pas  rondement  comme  on  doit:  et  puis  on  le  despouille  de  l'honneur  qui  luy  appartient.  Car  si  on  allegue:  O  il  y  pourra  advenir  telle  chose.  Et  Dieu  est-il  mort?  N'a-il  pas  preveu  a  tous  les  inconveniens  qui  pourroyent  advenir?  Et  si  on  dit,