9:764  de  Dieu  en  nos  coeurs,  et  la  rendre  plus  authentique:  pour  laquelle  raison  ils  peuvent  estre  nommez  doctrine  visible.  Or  nous  croyons  que  tout  ce  qui  est  la  figure  et  demonstre  s'accomplit  en  nous.  Car  ce  ne  sont  point  figures  vaines,  ou  frustratoires,  puis  que  Dieu  qui  est  la  verite  infaillible,  les  nous  donne  pour  confirmation  de  nostre  foy.  D'avantage,  nous  croyons,  quelque  indignite  qu'il  y  ait  au  Ministre,  que  le  Sacrement  ne  laisse  point  d'estre  bon  et  vallable:  car  la  verite  de  Dieu  ne  change  et  ne  varie  point  pour  la  malice  des  hommes:  comme  ce  n'est  point  a  eux  de  donner  vertu  ou  effect  a  ce  que  Dieu  a  institue.  Ainsi  nous  croyons  que  les  Sacremens,  combien  qu'ils  soient  administrez  par  gens  meschans  et  indignes,  retiennent  tousiours  leur  nature,  pour  apporter  et  communiquer  vrayement  a  ceux  qui  les  recoyvent  ce  qui  est  la  signifie.  Toutesfois  nous  disons  qu'ils  ne  sont  utiles  sinon  la  ou  Dieu  les  fait  valoir,  et  y  desploye  la  vertu  de  son  Esprit,  comme  par  ses  organes.  Ainsi  il  faut  que  l'esprit  de  Dieu  y  besongne  pour  nous  en  faire  sentir  l'efficace  a  nostre  salut.  Nous  confessons  aussi  que  l'usage  en  est  necessaire,  et  que  tous  ceux  qui  n'en  tiennent  conte  se  declarent  contempteurs  de  la  grace  de  Dieu,  et  sont  aveuglez  d'un  orgueil  diabolique,  [page  25]  ne  cognoissans  point  leur  infirmite,  laquelle  Dieu  a  voulu  supporter  par  un  tel  moyen  et  remede.  D'avantage,  puis  que  Dieu  a  mis  les  Sacremens  comme  un  depost  en  son  Eglise,  nous  croyons  que  chacun  n'en  doit  pas  user  a  part,  mais  que  l'usage  en  doit  estre  commun  en  l'assemblee  des  fideles,  et  qu'ils  doivent  estre  administrez  par  les  Pasteurs,  ausquels  la  charge  et  dispensation  en  est  commise.  De  cecy  nous  recueillons,  qu'il  n'appartient  qu'a  Dieu  seul  d'ordonner  les  Sacremens,  veu  qu'il  n'y  a  que  luy  seul  qui  puisse  estre  tesmoin  de  sa  volonte,  seeller  ses  promesses,  representer  ses  dons  spirituels,  et  faire  que  les  elemens  terrestres  nous  soyent  comme  arres  de  nostre  salut.  Et  ainsi  les  ceremonies  qui  ont  este  introduites  par  les  hommes;,  ne  peuvent  et  ne  doivent  estre  tenues  pour  Sacremens:  et  de  leur  attribuer  ce  titre  et  qualite  ce  n'est  que  fallace.  Parquoy,  nous  confessons  que  le  nombre  des  sept  Sacremens,  qui  est  communement  approuve,  n'est  point  receu  de  nous,  veu  qu'il  n'a  aucune  approbation  de  la  parole  de  Dieu.  Cependant  combien  que  nous  n'advouons  pas  le  mariage  estre  Sacrement,  ce  n'est  point  pour  le  mespriser:  comme  aussi  nous  n'entendons  pas  d'amoindrir  la  dignite  des  sacremens  temporels,  qui  ont  servy  du  temps  des  miracles:  combien  que  nous  disons  que  l'usage  n'en  dure  plus,  comme  l'onction  des  [page  26]  malades.  Quoy  qu'il  en  soit,  c'est  bien  raison  que  les  mysteres  qui  sont  procedez  de  Dieu  soyent  discernez  d'avec  ce  qui  a  este  introduit  par  les  hommes.