8:764  3.  Item  si  son  pere  ou  aultres  ses  predecesseurs  ont  poinct  este  Iuifz  et  d  aultre  religion  que  chrestienne.  4.  Item  en  quelz  pays  et  villes  il  a  demoure  despuys  quil  est  sorty  de  son  pays  et  de  quel  estat  et  vacations  il  sest  mesle.  5.  Item  sil  est  docteur  ou  gradue  en  Medicine,  ou  ii  a  estudie  et  practique  en  medicine.  6.  Item  si  le  livre  quil  a  confesse  avoir  des  longtemps  faict  imprimer  a  Basle  fust  expose  en  vente  et  que  sont  desvenuz  les  dicts  livres  lhors  imprimez.  7.  Item  si  messieurs  de  Basle  feirent  pas  saisir  lesdicts  livres  et  faire  inquisition  de  lautheur  et  imprimeur  et  si  luy  et  ledict  imprimeur  ne  se  cacherent  pas  pour  crainte  destre  pris  et  punys.  8.  Item  si  cest  pas  le  mesme  livre  et  contenant  mesme  doctrine  que  celluy  quil  a  dernierement  faict  imprimer  a  Vienne.  9.  Item  sil  a  pas  este  adverty  par  de  bons  docteurs  et  gens  fidelles  que  sondict  livre  nestoit  de  bonne  doctrine,  mais  contraire  a  la  vraye  religion  chrestienne.  10.  Item  veu  lesdicts  advertissemens,  qui  la  mene  de  faire  encores  imprimer  ledict  livre  a  Vienne.  11.  Item  qui  en  estoit  a  ladicte  derniere  impression  le  correcieur  avec  luy  pour  reveoir  les  premieres  ou  aultres  parthies1)  venans  dessus  la  presse.  12.  Item  sil  a  pas  encores  despuys  cherche  les  moyens  par  luy  ou  par  aultre  et  faict  tenir  propoz  de  le  faire  imprimer  a  Venise.  13.  Item  pourquoy  il  a  intitule  ledict  livre  Christianismi  restitutio  et  que  cest  quil  entend  par  tel  tiltre.  14.  Item  sil  nentend  pas  que  tous  ceulx  qui  ont  escript  devant  luy  et  aultrement  que  le  contenu  audiet  livre  nont  riens  entendu  de  la  religion  chrestienne,  et  que  le  Christianisme  a  este  cydevant  corrompu  a  cause  que  lon  ne  suyvoit  la  doctrine  telle  quelle  est  en  son  livre.  15.  Item  et  que  la  doctrine  et  religion  des  eglises  dAllemagne,  et  ceste  eglise2)  de  Geneve  et  aultres  eglises  reformees  nest  chrestienne,  et  que  tous  ceulx  qui  ne  tenoient  sa  doctrine  sont  mauldictz  de  Dieu  et  sans  (sic)  vont  a  perdition  comme  il  a  escript  par  sa  lectre  recongneue  a  M.  Abel  Popin,  ministre  de  la  parolle  de  Dieu  en  ceste  cite.  16.  Item  sil  nentend  pas  aussi  que  tous  ceulx  qui  ont  este  baptisez  en  leur  enfance  esdictes  eglises  et  aultres  eglises  ne  sont  pas  vrayement  baptisez.  1)  Trechsel  r  feuilles.  2)  Trechseh  ville.