9:763  763  CONFESSIONES.  764  ce  qu'ils  cognoissent  estre  contraire  a  la  purete  de  son  service.  Car  quand  il  est  question  de  la  Iurisdiction  spirituelle  laquelle  Dieu  se  reserve,  il  n'y  a  nulle  superiorite  humaine,  qui  ne  doive  estre  abbatue.  Les  loix  des  Princes  terriens,  quelques  grieves  et  dures  qu'elles  soyent,  mesmes  qu'on  les  sentist  iniques,  ont  neantmoins  leur  vigueur,  tellement  qu'il  n'est  point  licite  de  les  mespriser:  car  les  biens  et  les  corps  de  ce  monde  ne  sont  point  si  precieux,  que  l'authorite  que  Dieu  a  donnee  a  tous  Roys,  Princes,  et  superieurs,  ne  doive  estre  preferee.  Mais  il  y  a  bien  diverse  raison  d'assubiettir  nos  ames  a  toutes  loix  tyranniques,  ou  estranges  et  bastardes,  qui  sont  pour  nous  destourner  de  la  subiection  de  Dieu.  Cependant  nous  confessons  que  ce  n'est  pas  aux  personnes  privees  de  corriger  tels  abus,  pour  les  oster  du  tout:  mais  qu'il  suffit  que  tous  Chrestiens  s'en  exemptent,  se  conservans  impolus  et  entiers  au  service  de  Dieu.  Quant  a  tous  Pasteurs  qui  s'acquittent  fidelement  en  leur  office1),  nous  tenons  qu'ils  doivent  estre  receus  comme  representans  la  personne  de  celuy  qui  les  a  ordonnez:  et  que  tous  Chrestiens  se  doivent  renger  a  Tordre  commun  [page  23]  des  fideles,  pour  ouyr  la  doctrine  de  salut,  faire  confession  de  leur  foy,  se  tenir  en  l'union  de  l'Eglise,  recevoir  paisiblement  censures  et  corrections,  et  tenir  la  main  a  empescher  qu'il  ne  se  leve  nulle  secte  ne  tumulte.  Ainsi  nous  reputons  pour  schismatiques  tous  ceux  qui  esmeuvent  trouble  et  confusion,  tendant  a  fin  de  dissiper  l'Eglise,  laquelle  ne  se  peut  garder  en  son  estat,  qu'estant  gouvernee  par  ses  Pasteurs  puis  qu'il  a  pleu  a  Dieu  ainsi,  et  qu'il  commande  a  tous  depuis  le  grand  iusqu'au  plus  petit  de  se  conformer  a  telle  humilite  (Matth.  18,  18,  Iean  20,  23):  en  sorte  que  tous  ceux  qui  se  separent  et  retranchent  de  leur  bon  gre  de  la  compagnie  des  fideles,  se  bannissent  aussi  du  royaume  des  cieux.  Mais  aussi  que  ceux  qui  veulent  estre  escoutez  au  nom  de  Iesus  Christ,  advisent  bien  de  porter  la  doctrine  qui  leur  est  commise.  Il  reste  a  declarer  quelle  est  nostre  foy  touchant  les  Sacremens,  c'est  que  nous  les  tenons  tant  pour  tesmoignages  de  la  grace  de  Dieu,  afin  de  la  ratifier  en  nous,  que  pour  signes  exterieurs,  par  lesquels  nous  protestons  de  nostre  Chrestiente  devant  les  hommes.  Vray  est  que  la  parole  de  Dieu  nous  devroit  bien  suffire,  pour  nous  asseurer  de  nostre  salut:  mais  puis  que  Dieu  a  voulu,  a  cause  de  nostre  rudesse  et  fragilite,  adiouster  telles  aides,  c'est  bien  raison  que  nous  les  acceptions  pour  les  appliquer  [page  24]  a  nostre  profit.  Ainsi  les  Sacremens  sont  comme  signatures2)  pour  seeller  la  grace  1)  de  leur  charge.  2)  seaux.