23:763  763  SERMONS.  764  Mon  fils,  me  voici.  Il  luy  dit  puis  apres:  Voici  le  bois,  voici  le  feu,  nous  allons  faire  sacrifice.  Et  dequoy?  car  il  n'y  a  point  de  beste,  dit-il,  pour  sacrifier.  Isaac  est  desia  bien  adverti  qu'ils  vont  faire  oblation  a  Dieu,  et  il  ne  sait  quelle  sera  ceste  oblation-la,  il  le  demande.  Estoit-il  possible  qu'Abraham  fust  tourmente  iusques-la,  et  qu'il  le  portast?  Mais  (comme  i'ay  dit)  Dieu  ne  l'a  en  rien  espargne,  a  fin  que  nous  prenions  tant  plus  de  courage  quand  il  sera  question  de  surmonter  tout  ce  qui  nous  pourroit  desbaucher,  et  qui  nous  pourroit  faire  eslongner  du  droit  chemin.  Voila  donc  ce  que  nous  avons  a  retenir.  Il  est  vray  que  Moyse  fait  un  recit  tout  simple:  et  quand  nous  lirions  ces  choses  sans  penser  pourquoy  elles  sont  escrites,  il  est  certain  que  cela  s'en  iroit  tout  froidement,  et  que  nous  n'en  serions  pas  fort  esmeus.  Mais  quand  nous  aurons  bien  pense  en  quel  estat  pouvoit  estre  Abraham  et  quelle  destresse  il  souffroit  desia  en  son  coeur,  et  que  la  dessus  nous  viendrons  a  iuger  quand  ceci  luy  est  adiouste  de  nouveau:  quelle  angoisse  ce  luy  a  peu  estre  quand  son  fils  luy  a  dit:  Mon  pere,  voila  Abraham  qui  d'un  coste  regarde  la  simplicite  de  son  enfant,  et  puis  il  peut  penser,  Helas!  tu  ne  sais  a  [pag.  263]  quoy  tu  es  appreste.  Car  si  un  povre  homme  est  mene  a  la  mort,  et  qu'il  n'en  sache  rien,  encores  qu'il  nous  attouche  et  que  nous  ne  devions  pas  estre  presens,  mais  que  seulement  nous  ayons  ceste  apprehension:  Voila  un  povre  homme  qu'on  mene  a  la  boucherie  comme  un  agneau,  et  il  ne  s'en  doute  point:  si  nous  avons  ouy  parler  de  cela,  il  est  certain  que  la  seule  pensee  sera  pour  nous  faire  decouler  les  larmes  des  yeux.  Or  voici  Abraham  qui  void  son  fils,  et  puis  il  le  void  comme  un  agneau,  et  c'est  luy-mesme  qui  le  meine  a  la  boucherie,  c'est  luy  qui  luy  doit  couper  la  gorge,  c'est  luy  qui  le  doit  bruler  puis  apres:  et  son  fils  qui  est  la  luy  parle  si  simplement:  Et  ou  est  la  beste  pour  sacrifier?  brief,  nous.voyons  quand  auiourd'huy  Dieu  nous  envoyera  toutes  les  afflictions  que  nous  pouvons  imaginer,  que  ce  n'est  rien  au  pris  de  ce  qu'Abraham  a  soustenu.  Et  si  nous  alleguons  nostre  infirmite,  si  nous  disons  que  nos  passions  humaines  nous  transportent,  ne  pensons  pas  qu'Abraham  ait  este  de  fer  ni  d'acier  non  plus  que  nous:  mais  quoy  qu'il  en  soit,  si  est-ce  qu'il  s'est  resolu  de  donner  toute  maistrise  et  superiorite  a  Dieu,  et  de  s'assuiettir  en  telle  sorte  qu'il  renoncast  a  soy-mesme.  Voila,  di��ie,  ou  il  nous  faut  tendre  et  aspirer,  combien  que  nous  ayons  beaucoup  [pag.  264]  d'obstacles,  combien  qu'ii  semble  que  nous  ne  puissions  marcher  un  pas,  si  faut-il  nous  efforcer,  voire  outre  toutes  nos  forces.  Car  il  n'est  point  question  ici  d'y  aller  en  nostre  vertu,  comme  si  nous  estions  gens  bien  habiles:  mais  attendons